Safon uwch
Safon uwch
Sut i Wneud Cais
Bagloriaeth Sgiliau Cymru Uwch
Byddwn ni’n eich ysbrydoli chi i gyflawni, ni waeth pa gyrsiau Safon Uwch y byddwch chi’n dewis eu hastudio gyda ni. Mae tiwtor profiadol a llawn gwybodaeth ym mhob ystafell ddosbarth a fydd yn rhoi hyder i chi, y sgiliau perthnasol, a’r cymhelliant i gyflawni eich potensial llawn.
Fel myfyriwr chweched dosbarth yng Ngholeg Cambria, byddwch chi’n cael eich gwerthfawrogi fel unigolyn ac yn cael y gofal a’r cymorth sydd eu hangen arnoch chi i sicrhau eich gyrfa ddelfrydol neu gwrs addysg uwch. Mae yna reswm pam fod gennym ni enw da rhagorol am lwyddiant.
Yn ogystal â’r pynciau Safon Uwch y byddwch chi’n eu dewis eich hunain, byddwn ni’n eich cynorthwyo chi i gyflawni eich potensial yn rhagor wrth eich cofrestru chi ar gyfer gymhwyster Bagloriaeth Sgiliau Cymru Uwch y byddwch chi’n ei astudio fel cymhwyster Safon Uwch ychwanegol. Bydd hyn yn eich cynorthwyo chi i ddatblygu sgiliau academaidd a chyflogadwyedd ychwanegol.
I gofrestru ar gwrs Safon Uwch mae gofyn bod gennych chi o leiaf 5 TGAU gradd C neu uwch gan gynnwys Saesneg/Cymraeg Iaith gyntaf a Mathemateg. Yn ogystal, bydd angen i chi wirio’r gofynion mynediad pwnc-benodol yn y proffiliau cwrs isod’.
Mae mwyafrif y myfyrwyr UG a Safon Uwch bellach wedi’u hamserlennu am 4 diwrnod yr wythnos yn hytrach na 5 diwrnod yr wythnos.
Nid ydy faint o amser gwersi a neilltuir i bob pwnc wedi newid, ond bydd y rhan fwyaf o fyfyrwyr yn gweld y byddan nhw mewn gwersi am y rhan fwyaf o’r amser y maen nhw ar y safle, yn cael llai o gyfnodau rhydd.
I fod yn llwyddiannus yn eich Safon Uwch mae’n hanfodol eich bod chi’n neilltuo cryn dipyn o amser i astudio y tu allan i wersi ac felly bydd angen i chi gydbwyso’n ofalus unrhyw ymrwymiadau eraill sydd gennych chi – gwaith rhan-amser neu chwaraeon cynrychioliadol, er enghraifft – gyda’r amser ychwanegol sydd gennych chi i’w neilltuo i astudio ar gyfer eich pynciau. Mae neilltuo awr o astudio y tu allan i wers am bob awr o ddosbarth yn rheol dda.
Os byddwch chi’n penderfynu astudio pwnc ychwanegol, mae’n debygol iawn y bydd eich amserlen yn cynnwys 5 diwrnod.
Mae croeso bob amser i ddysgwyr fynd i’r Coleg ar y diwrnod nad ydyn nhw wedi’u hamserlennu i ddod i mewn, byddai’n amser perffaith i astudio y tu allan i wersi neu i ofyn am ragor o arweiniad gan staff.
Abby Cooper
Astudiodd – Safon Uwch Bioleg, Cemeg, Mathemateg, Mathemateg Bellach a Tystysgrif Her Sgiliau Uwch
Ar hyn o bryd – Ar fin dechrau ar ei thrydedd flwyddyn yn astudio’r Gwyddorau Naturiol ym Mhrifysgol Caergrawnt.
“Mi wnaeth astudio Safon Uwch yn 6ed Glannau Dyfrdwy fy ngalluogi i gael gafael ar amrywiaeth o gyfleoedd a chymorth i ddysgu a llwyddo a rhoi’r offer oedd eu hangen arna’i i wneud cais i Brifysgol Caergrawnt, lle dwi wedi cael modd i fyw yn astudio dros y ddwy flynedd ddiwetha! Gyda chyfleusterau gwych, staff hynod o gefnogol a phwyslais ar gymryd rheolaeth o’ch dysgu, mi wnaeth y ddwy flynedd a dreuliais yng Ngholeg Cambria roi paratoad gwych i mi ar gyfer mynd i addysg uwch a thu hwnt.”
Frankie McCamley
Astudiodd – Safon Uwch mewn Saesneg, Drama, Mathemateg a Ffrangeg
Ar hyn o bryd – Mae’n gyflwynydd ac yn ohebydd newyddion i’r BBC
“Doeddwn i ddim yn siŵr beth oeddwn i eisiau ei wneud yn y dyfodol, felly mi wnes i ddewis ystod o wahanol bynciau i astudio yn Safon Uwch. Erbyn hyn dwi’n cael fy nghyflogi gan y BBC fel Cyflwynydd a Gohebydd Newyddion a rhoddodd astudio yn Chweched Iâl yr hyder a’r sgiliau i mi fynd ymlaen i’r brifysgol. Mi wnes i ffrindiau anhygoel, roedd gen i athrawon gwych na wna’i byth eu hanghofio ac fe ges i amser gwych yn Wrecsam!
“Dwi’n edrych yn ôl ar fy amser yn Iâl gyda balchder a hoffter a wna’i byth anghofio’r profiad!”
