Ffiseg - Lefel A

Rydym yn dilyn maes llafur UG Ffiseg CBAC yng Ngholeg Cambria.
Mae’n cynnwys dwy uned theori sy'n cael eu harholi ar ddiwedd y flwyddyn gyntaf. Mae tair uned ychwanegol yn cael eu hastudio gan y myfyrwyr hynny sy'n dymuno ennill cymhwyster Safon Uwch llawn yn ail flwyddyn y cwrs. Mae un o unedau’r ail flwyddyn yn arholiad ymarferol.
Dyma grynodeb byr o’r cwrs isod:

Uned 1 Mudiant, Egni a Mater: Mae hyn yn cynnwys y pynciau Ffiseg sylfaenol, Cinemateg, Dynameg, Cysyniadau egni, Solidau dan ddiriant, defnyddio pelydriad i ymchwilio i sêr, Gronynnau ac adeiledd niwclear.

Uned 2 Trydan a Golau: Mae hyn yn cynnwys y pynciau: Dargludiad trydan, Gwrthiant, Cylchedau CU, Natur tonnau, Priodweddau tonnau, Plygiant golau, Ffotonau a Laserau

Uned 3 (Osgiliadau a Niwclysau): Mae hyn yn cynnwys y pynciau: Mudiant cylchol, Dirgryniadau, Damcaniaeth ginetig, Ffiseg thermol, Dadfeiliad niwclear ac Egni niwclear.

Uned 4 Meysydd ac Opsiynau: Mae hyn yn cynnwys y pynciau: Cynhwysiant, Meysydd grym electrostatig a meysydd disgyrchiant, Orbitau a'r bydysawd ehangach, Meysydd magnetig ac Anwythiad electromagnetig.

Uned 5: Uned Ffiseg Ymarferol. Yn ogystal â’r ymarferion ymarferol a nodwyd gan CBAC, byddwch hefyd yn ymgymryd ag ystod o waith ymarferol I ategu unedau theori. Bydd gofyn I fyfyrwyr gadw ffeil drefnus o’u gwaith labordy I baratoi ar gyfer asesiad yr uned hon.