Tystysgrif Lefel 3 CBAC mewn Troseddeg

Diweddarwyd manyleb CBAC yn 2021 ac mae'r cymhwyster, ar ôl ei gwblhau, werth yr un pwyntiau UCAS â phynciau Safon Uwch. Erbyn hyn maen bosib ei astudio ochr yn ochr â chymwysterau Safon Uwch fel rhan o lwybr lefel 3 / Cymhwyster Safon Uwch.

Wedi’i gynllunio i gynorthwyo dysgwyr sy’n symud ymlaen i’r brifysgol yn bennaf, mae ein cymhwyster Troseddeg Lefel 3 wedi’i gynllunio i ddarparu profiadau cyffrous a diddorol sy’n canolbwyntio ar ddysgu i bobl ifanc 16-19 oed a dysgwyr sy’n oedolion trwy ddysgu cymhwysol.

Mae’r cymhwyster hwn yn cynorthwyo gyda dilyniant dysgwyr wrth iddynt symud ymlaen o unrhyw astudiaethau Lefel 2 yn enwedig TGAU mewn Cymdeithaseg, y Gyfraith, Seicoleg, Dinasyddiaeth, a’r Dyniaethau.

Unedau’r flwyddyn gyntaf
- Uned 1: Newid Ymwybyddiaeth o Drosedd (gwaith cwrs)
- Uned 2: Damcaniaethau Troseddegol (arholiad)

Unedau’r ail flwyddyn
- Uned 3: O’r Safle Trosedd i’r Ystafell Llys (gwaith cwrs)
- Uned 4: Trosedd a Chosb (arholiad)

Mae enghreifftiau o fodiwlau'r flwyddyn gyntaf sy'n ffurfio Uned 2, yn cynnwys testunau ar y canlynol
- Cymharu ymddygiad gwyrdroëdig
- Adeiladwaith cymdeithasol trosedd
- Damcaniaethau biolegol troseddolrwydd
- Damcaniaethau unigolyddol am droseddolrwydd
- Dadansoddiad o sefyllfaoedd lle mae troseddau yn cael eu cyflawni
- Gwerthuso damcaniaethau trosedd
- Datblygu polisïau
- Sut mae ymgyrchoedd yn effeithio ar lunio polisïau