Cemeg - Lefel A

Mae Cemeg yn ymwneud ag astudio deunyddiau, eu priodweddau, adweithiau a’u defnyddiau. Mae’r holl fyfyrwyr sy’n astudio Cemeg yng Ngholeg Cambria yn cael eu hannog i ddatblygu sgiliau personol a threfniadaethol trwy ddysgu ac anelu at gyflawni eu potensial academaidd.

Gan fod Cemeg yn wyddoniaeth ymarferol, mae’r cwrs yn cynnwys elfen ymarferol sylweddol ac mae’r gwaith ymarferol a’r theori wedi’u hintegreiddio’n dda. Anogir myfyrwyr i weithio’n annibynnol ac fel rhan o grŵp yn y dosbarthiadau theori ac ymarferol. Cynigir y cyfle i’n myfyrwyr Cemeg gymryd rhan yng nghystadleuaeth Dadansoddwr Ifanc y Gymdeithas Cemeg Frenhinol, gweithdai Spectrosgopi, dosbarthiadau meistr Prifysgol a Chymdeithas Wyddoniaeth Jenkins sy’n gwahodd siaradwyr allanol o amrywiaeth eang o ddisgyblaethau gwyddonol.

Ar ôl cwblhau’r cwrs bydd myfyrwyr wedi ennill profiad yn rhyngweithio gydag eraill, yn well am resymu’n rhesymegol ac wedi ennill profiad gwerthfawr mewn dulliau ymchwilio a diogelwch wrth weithio dan amodau labordy.

Mae’r cwrs Cemeg Uwch Gyfrannol / Safon Uwch yn dilyn manyleb CBAC ac yn adeiladu ar yr agweddau a gwmpaswyd yn y cwrs TGAU. Mae’r cwrs Uwch Gyfrannol yn cynnwys dwy uned gydag arholiad ar ddiwedd y flwyddyn gyntaf. Astudir tair uned ychwanegol yn yr ail flwyddyn i gael y cymhwyster Safon Uwch llawn. Mae un o unedau’r ail flwyddyn yn cynnwys arholiad ymarferol. Rhoir trosolwg cryno o gynnwys y cwrs isod.

UNED 1: Iaith Cemeg, strwythur mater ac adweithedd cemegol. Fformiwlâu a hafaliadau, strwythur atomig, cyfrifiadau, bondio, strwythurau solid, dosbarthiad yr elfennau yn y Tabl Cyfnodol, ecwilibria ac adweithiau’n seiliedig ar asid.

UNED 2: Ynni, cyfradd adwaith a chemeg cyfansoddion carbon. Dadansoddi thermogemegol a chinetig, effaith ehangach cemeg yn y gymdeithas, cyfansoddion organig yn cynnwys hydrocarbonau, halogenalcanau, alcoholau ac asidau carbosylig a dulliau dadansoddi offerynnol.

UNED 3: Cemeg ffisegol ac anorganig. Potensial electrod safonol a rhydocs, cemeg bloc-p a bloc-d, newidiadau enthalpi, entropi a dichonoldeb adweithiau, elfennau cyson ecwilibriwm ac ecwilibria’n seiliedig ar asid.

UNED 4: Cemeg organig a dadansoddi cemeg organig. Stereoisomeriaeth, persawrusrwydd, alcoholau a ffenolau, aldehydau a chetonau, asidau carbosylig a deilliadau, aminau, asidau amino, peptidau a phroteinau, synthesis a dadansoddiad organig.

UNED 5: Arholiad ymarferol. Mae’n ofynnol i fyfyrwyr gynnal ffeil drefnus o’u gwaith labordy yn barod ar gyfer asesu’r uned hon.