Ffiseg - Lefel A

Rydym yn dilyn maes llafur UG Ffiseg CBAC yng Ngholeg Cambria.
Mae’n cynnwys dwy uned theori sy'n cael eu harholi ar ddiwedd y flwyddyn gyntaf. Mae tair uned ychwanegol yn cael eu hastudio gan y myfyrwyr hynny sy'n dymuno ennill cymhwyster Safon Uwch llawn yn ail flwyddyn y cwrs. Mae un o unedau’r ail flwyddyn yn arholiad ymarferol.
Dyma grynodeb byr o’r cwrs isod:

Uned 1 (Mudiant, Egni a Mater): Mae hyn yn cynnwys y pynciau Ffiseg sylfaenol, Cinemateg, Dynameg, Cysyniadau egni, Solidau dan ddiriant, defnyddio pelydriad i ymchwilio i sêr, Gronynnau ac adeiledd niwclear.

Uned 2 (Trydan a Golau): Mae hyn yn cynnwys y pynciau: Dargludiad trydan, Gwrthiant, Cylchedau CU, Natur tonnau, Priodweddau tonnau, Plygiant golau, Ffotonau a Laserau

Uned 3 (Osgiliadau a Niwclysau): Mae hyn yn cynnwys y pynciau: Mudiant cylchol, Dirgryniadau, Damcaniaeth ginetig, Ffiseg thermol, Dadfeiliad niwclear ac Egni niwclear.

Uned 4 (Meysydd ac Opsiynau): Mae hyn yn cynnwys y pynciau: Cynhwysiant, Meysydd grym electrostatig a meysydd disgyrchiant, Orbitau a'r bydysawd ehangach, Meysydd magnetig ac Anwythiad electromagnetig.
Bydd angen astudio un pwnc dewisol o’r canlynol: Ceryntau eiledol, Ffiseg feddygol, Ffiseg Chwaraeon, egni a’r amgylchedd. SYLWCH: Bydd yr uned ddewisol yn dibynnu a fydd y cyfarpar ymarferol ac adnoddau eraill ar gael.

Uned 5 yw’r arholiad ymarferol. Mae’n cynnwys dau brawf sy’n cael eu marcio’n allanol gan CBAC; Tasg Arbrofi, sy'n 1.5 awr o hyd, a thasg Dadansoddi Data, sy’n 1 awr o hyd. Byddwch yn sefyll y profion hyn yn nhymor y gwanwyn y flwyddyn U2.