Llywodraeth a Gwleidyddiaeth - Lefel A

Mae Gwleidyddiaeth yn bwnc Safon Uwch mawr ei fri, ac yn bwnc newydd diddorol a deinamig i’w astudio, a fydd yn rhoi nifer o sgiliau i chi y bydd prifysgolion yn eu croesawu ac yn eich galluogi i symud ymlaen i ddewis eang o gyrsiau a gyrfaoedd yn y dyfodol.

Blwyddyn 1 Lefel UG
Gwleidyddiaeth Cymru a Phrydain yw’r prif faes astudio gyda’r cwestiynau allweddol i’w hystyried yn ymwneud a’r cyfansoddiad, y llywodraeth a’i phwerau datganoledig o ran: sofraniaeth, pŵer a hygrededd – lle gorwedd y pŵer yn system wleidyddol Prydain? Pwy a sut y mae’r rhai mewn pŵer yn cael eu dal yn atebol? Sut mae dylanwadau’r tu allan yn effeithio arnom hynny yw aelodaeth o’r UE? Beth mae dinasyddiaeth yn ei olygu yn y DU? Beth yw hawliau ein dinasyddion a sut allwn ni ddylanwadu ac effeithio ar brosesau gwleidyddol?

Blwyddyn 2 – Safon Uwch
Mae’r flwyddyn Safon Uwch yn astudiaeth gyfunol o gysyniadau gwleidyddol a damcaniaethau yn archwilio amrediad o ideolegau fel Sosialaeth a Chomiwnyddiaeth, Ceidwadaeth a Rhyddfrydiaeth ac yna llywodraeth a gwleidyddiaeth Unol Daleithiau America gan gwestiynu pŵer, democratiaeth a chyfranogiad yn y system wleidyddol.

Gweithgareddau Allgyrsiol
Mae pob myfyriwr yn cael y cyfle i feithrin eu diddordebau a pharatoi eu hunain ar gyfer mynd i brifysgol a dechrau ar eu gyrfa. Mae’r gweithgareddau yn cynnwys tripiau i gynadleddau a Llundain (y Senedd) neu Gynulliad Cymru yng Nghaerdydd ac ymweliadau a chyfle i holi nifer o siaradwyr gwadd gan gynnwys ASau, ASEau ac ACau.