Cerddoriaeth - Lefel A

*Sylwer fod y cwrs hwn yn cael ei addysgu ar safle Glannau Dyfrdwy ac y bydd angen teithio. Siaradwch â'n tîm gwasanaethau myfyrwyr i drafod trefniadau.

Gellir astudio’r cwrs Uwch Gyfrannol fel cymhwyster blwyddyn ar ei ben ei hun neu fel hanner cyntaf cymhwyster Safon Uwch llawn dwy flynedd. Mae’r cwrs hwn yn heriol ac yn rhoi mwynhad a boddhad ac yn cynnig profiad gwerthfawr I chi os oes gennych chi ddiddordeb a dawn yn y maes hwn.

Mae’r cwrs yn eich galluogi I ddatblygu sgiliau cerddorol trwy amrywiaeth o weithgareddau. Bydd eich gwaith cwrs yn cynnwys astudiaethau megis cyfansoddi, arfarnu a pherfformiad ensemble a/neu unigol. Mae’r gweithiau gosodedig yn dod o’r traddodiad gorllewinol clasurol yn ogystal â cherddoriaeth boblogaidd yr ugeinfed ganrif a’r unfed ganrif ar hugain. Byddwch yn cymryd rhan mewn cyngherddau, gweithgareddau diwylliannol a chyd-destunol ac ymweliadau addysgol I gefnogi eich astudiaethau.