Buddion Myfyrwyr

TOTUM

Fel myfyriwr Coleg Cambria, gallwch chi gofrestru i gael cerdyn TOTUM (enw newydd ar gyfer cerdyn NUS extra), a fydd yn eich galluogi chi i gael dros 200 o ostyngiadau i fyfyrwyr yn y DU.

Cewch chi ddewis cerdyn 1 blynedd am £12, cerdyn 2 flynedd am £22, neu gerdyn 3 mlynedd am £32. Gan fod y rhan fwyaf o’r gostyngiadau gwych hyn ddim ond ar gael ar-lein, nid yw’n bosib eu cyrchu nhw heb gerdyn TOTUM.

Dim ond rhai o'r gostyngiadau sydd ar gael i chi gyda'ch cerdyn

Darllen Rhagor

Ewch i totum.com i gofresru ar gyfer eich Cerdyn Totum a Cherdyn Profi Oedran

Dyma dim ond rhai o’r cannoedd o gynigion i fyfyrwyr, gan gynnwys arbedion mewn ffasiwn, iechyd a harddwch, technoleg a llawer rhagor, peidiwch ag oedi.

Lifestyle Fitness

Does dim angen i chi fynd yn bell na gwario llawer i fwynhau sesiwn ymarfer ffitrwydd. Mae Lifestyle Fitness wedi’i leoli ar ein safle yng Nglannau Dyfrdwy ac mae’n ganolfan benodol ar gyfer iechyd a llesiant. Mae’n darparu ar gyfer bob lefel ffitrwydd a grŵp oedran ac yn ymfalchïo mewn dros 100 darn o offer, gan gynnwys pwysau rhydd, peiriannau pwysau a chyfarpar cardio, stiwdio bocsio, ardal weithredol a phrif stiwdio.

Fel aelod, mae 30 o ddosbarthiadau am ddim ar gael i chi bob mis ac ymgynghoriad hyfforddwr personol i dracio eich cynnydd, neu eich helpu gyda chynllun ffitrwydd. Cymerwch gip isod ar ba ddosbarthiadau y gallech ymuno â nhw a dysgwch sut y gallwch gofrestru ar gyfer Lifestyle Fitness heddiw.

Pa ddosbarthiadau am ddim allwch chi ymuno â nhw?

Troelli

Pilates

Yoga

'Bodypump' Les Mills

'Bodycombat' Les Mills

'GRIT' Les Mills

Coesau, boliau a phenolau

Sesiynau Cylchol a Rhagor

Sut i ymuno

Ymunwch â’n campfa breifat ar y safle, Lifestyle Fitness yng Nglannau Dyfrdwy, gyda gostyngiad hael os ydych chi’n fyfyriwr yng Ngholeg Cambria!

Yma yng Ngholeg Cambria rydym yn gweithio mewn partneriaeth gyda Lifestyle Fitness i gynnig aelodaeth myfyriwr am bris gostyngol i chi. Unwaith y byddwch chi’n cofrestru yma yn y coleg, gwnewch yn siŵr eich bod chi’n ymweld â’n campfa Lifestyle, ac yn mynd â’ch cerdyn myfyriwr gyda chi i gael defnyddio’r gostyngiadau.

Arbed gyda UNiDAYS

Fel myfyriwr Coleg Cambria, gallwch chi gofrestru i UNiDAYS a chael gostyngiadau ar gyfer eich hoff frandiau am ddim. Yn UNiDAYS, maen nhw’n sylweddoli bod bod yn fyfyriwr yn golygu nad oes gennych chi lawer o amser nac arian. Dyna pam ei bod yn hollol rhad ac am ddim i ymuno ac ni allai fod yn haws ei ddefnyddio. Os ydych chi mewn siop, dangoswch eich Cerdyn Adnabod wrth y ddesg dalu. Os ydych chi’n siopa ar-lein, copïwch a gludwch eich cod unigryw i’r ardal hyrwyddo.

Pa fuddion allwch chi eu cael gyda UniDays

Ewch i UniDays.com i gorfrestru am ddim

Wrth gofrestru ar UNiDAYS, dewiswch Goleg Cambria fel eich sefydliad. Yna gallwch chi wirio eich bod yn fyfyriwr yma trwy borth neu drwy ddefnyddio cyfeiriad e-bost eich coleg. Peidiwch ag oedi!

Gofal Plant

Mae gennym ganolfan gofal plant groesawgar a chartrefol yn Cambria, Toybox yng Nglannau Dyfrdwy. Gallwn gynnig cymorth ariannol i chi os bydd ei angen arnoch. Darllenwch am y feithrinfa a’r hyn y gallant ei gynnig i chi a’ch plentyn isod.

Toybox

Yma ym Meithrinfa Toybox, rydym am wneud yn siŵr eich bod chi a’ch plentyn yn dod i amgylchedd sy’n gynnes a chyfeillgar, a dyna pam rydym yn falch o ddweud ein bod yn cynnig y gofal plant gorau yn y lleoliad harddaf.

Rydym yn darparu ‘gofal addysgol’ i blant rhwng 3 mis a phum mlwydd oed, gyda chymysgedd iach o ddysgu a chwarae. Mae ein cwricwlwm wedi’i adeiladu o amgylch meysydd i gefnogi ac annog llesiant a datblygiad personol, cymdeithasol, emosiynol, corfforol a deallusol eich plentyn.

Ewch i’r wefan yma – https://toybox-nursery.cambria.ac.uk/?lang=cy

Gwybodaeth Ddefnyddiol

Cyfleusterau

Mae gan bob maes o fewn y feithrinfa gwricwlwm i’w ddilyn, sy’n cynnwys datblygiad personol a chymdeithasol, iaith a llythrennedd, mathemateg, datblygiad corfforol a chreadigol.

Mae gennym bum ystafell ar gyfer pum grŵp oedran gwahanol. Mae’r ystafell lindysyn ar gyfer plant 0-12 mis. Mae’n llawn o deganau confensiynol a gweithgareddau cyfannol fel basgedi trysor, swigod, cerddoriaeth a chwarae dŵr i annog y babanod i archwilio a mwynhau eu hamgylchedd dan do ac yn yr awyr agored.

Mae ein hystafell buchod coch cwta ar gyfer plant 12-18 mis oed. Yno maen nhw’n cael eu hannog i symud rhagor trwy chwarae meddal, teganau gwthio ymlaen a mwy.

Anogir y plant yn yr ystafell pili-pala (18 mis oed – 2½ oed) i gyfathrebu, chwarae gyda’i gilydd ac i ddod o hyd i’w llais ynghyd â gweithgareddau a rennir megis pobi a chwarae â thywod.

Yn yr ystafell gwenyn, mae plant 2½ – 3 oed yn cael ystod eang o gyfleoedd dysgu trwy dywod, chwarae hydrin, llyfrau, chwarae bloc, chwarae archwiliadol, chwarae rôl a symud.

Mae’r plant yn yr ystafell sioncyn y gwair (3-5 oed) yn dilyn Dysgu Sylfaen, sy’n caniatáu i’ch plant fod yn greadigol, yn ddychmygus ac i gael hwyl wrth ddysgu. Mae hyn yn rhoi sgiliau i blant adeiladu arnynt a datblygu yn barod ar gyfer yr ysgol.

Oriau agor

Ein horiau agor yw:

Dydd Llun – 8.00am – 5.45pm

Dydd Mawrth – 8.00am – 5.45pm

Dydd Mercher – 8.00am – 5.45pm

Dydd Iau – 8.00am – 5.45pm

Dydd Gwener – 8.00am – 5.45pm

Mae Meithrinfa Toybox ar agor drwy gydol y flwyddyn ac eithrio Gwyliau Banc ac un wythnos adeg y Nadolig. Sylwer os bydd y feithrinfa ar agor ar Noswyl Nadolig, yr amser cau fydd 1.00pm.

Lleoliadau a chysylltiadau

Rydym wedi’n lleoli ar safle Coleg Cambria Glannau Dyfrdwy. Os oes angen i chi gysylltu â ni ffoniwch 0300 30 30 007 neu anfonwch e-bost at toybox@cambria.ac.uk

Meithrinfa Iâl

Gallwn ddarparu amgylchedd hapus, diogel, ysgogol a gofalgar i blant rhwng 3 mis a 4 oed tra byddwch yn astudio yn y coleg. Rydym yn deall pwysigrwydd datblygiad eich plentyn, darparu amrywiaeth o weithgareddau, a diwrnodau llawn hwyl. Rydym hefyd yn gwybod y bydd gan eich plentyn ei anghenion unigol ei hun a byddwn yn gweithio’n galed i’w bodloni. Ym Meithrinfa Iâl, rydym yn cydnabod ac yn dathlu cefndiroedd diwylliannol a chrefyddol amrywiol pob plentyn. Gofelir am bob plentyn heb wahaniaethu ac mewn amgylchedd o barch. Rydym yn croesawu plant ag anawsterau ac anableddau dysgu, ac rydym am fod yn hyderus y gallwn ddiwallu eu hanghenion. Dyna pam, lle bo angen, y byddwn yn ceisio eich cymorth fel rhiant/gofalwr, yn ogystal â’n Cydlynydd Anghenion Ychwanegol ac asiantaethau allanol i sicrhau bod y gofal gorau posibl ar gael.

Lawrlwytho arolygiad

Gwybodaeth Ddefnyddiol

Cyfleusterau

Mae gan y feithrinfa 2 ardal chwarae awyr agored (gan gynnwys gardd berlysiau a llysiau) a 7 ystafell fewnol sy’n cynnwys:

ystafell chwarae fawr
ystafell chwarae/ystafell gysgu fach
cyntedd
toiledau a man newid cewynnau
ystafell gotiau
ystafell storio
cegin.

Oriau agor

Rydym ar agor i fyfyrwyr o ddydd Llun tan ddydd Gwener, 8.45am – 4.25pm, yn ystod oriau tymor safle Parc y Gelli.

Lleoliadau a Chysylltiadau

Mae Meithrinfa Iâl ar safle llachar, siriol, wedi’i gynnal a’i gadw’n dda ar safle Parc y Gelli, Coleg Cambria Iâl, Wrecsam.

Os oes angen rhagor o wybodaeth arnoch neu os hoffech wneud trefniadau i ymweld â’r feithrinfa, mae croeso i chi gysylltu ag un o’r Goruchwylwyr, Barbara Bury neu Pam Owen, ym Meithrinfa Iâl, Ffordd Parc y Gelli, Wrecsam, LL12 7AA

ffôn: 01978 267591
e-bost: yalenursery@cambria.ac.uk

Cyllid

Nid ydym am i anawsterau ariannol amharu ar eich addysg. Os ydych chi’n astudio’n llawn amser yng Ngholeg Cambria (neu’n dymuno gwneud hynny), os oes gennych chi blant sy’n iau nag oedran ysgol a’ch bod ar incwm isel, efallai y byddwch yn gymwys i gael cymorth ariannol tuag at gostau gofal plant.

Cysylltwch â Gwasanaethau Myfyrwyr ar 0300 30 30 007 neu anfonwch e-bost at studentservices@cambria.ac.uk am fanylion y Gronfa Cymorth i Ddysgwyr; gallwch wneud cais am gymorth cyn gynted ag y byddwch yn cofrestru ar gwrs amser llawn yng Ngholeg Cambria. Byddwn ni’n gofalu amdanoch chi a’ch plentyn.

Arbed arian gyda cherdyn rheilffyrdd

Mae’r Cerdyn Rheilffyrdd 16-25 (a elwir hefyd yn Gerdyn Rheilffyrdd Myfyrwyr neu Gerdyn Rheilffyrdd Person Ifanc) yn gerdyn gostyngiad sy’n galluogi i chi arbed 1/3 oddi ar docynnau trên cymwys ym Mhrydain.

Gall myfyrwyr ac oedolion ifanc ddefnyddio’r Cerdyn Rheilffordd 16-25 ar docynnau Arferol Unrhyw Amser, Adegau Tawel, Tocyn Sengl Adegau Tawel Iawn a Thocynnau Dychwelyd, yn ogystal â Thocynnau Dosbarth Arferol a Thocynnau Dosbarth Cyntaf Uwch.

Buddion Myfyrwyr

Cerdyn Gostyniadau i Fyfyrwyr

Gostyngiadau yn y Gampfa

UniDays

Gofal Plant a Chyllid Gofal Plant

Cerdyn Rheilffyrdd 16-25

TOTUM

Dim ond rhai o'r gostyngiadau sydd ar gael i chi gyda'ch cerdyn

10% ODDI AR EICH SIOPA YN CO OP

GOSTYNGIAD O 10%

25% I FFWRDD

15% I FFWRDD

10% oddi ar bopeth

60% I FFWRDD

20% I FFWRDD

10% I FFWRDD

Ewch i totum.com i gofresru ar gyfer eich Cerdyn Totum a Cherdyn Profi Oedran

25% oddi ar adidas

6 MIS AM DDIM GYDA AMAZON PRIME

50% oddi ar Bella italia

35% oddi ar dominos

Gallwch arbed 1/3 oddi ar gludiant tren trwy'r flwyddyn

Gallwch ei ddefnyddio ar adegau teithio prysur (£12 o leiaf yn berthnasol)

Gallwch deithio dosbarth cyntaf am lai

Oes gennych chi gwestiwn?

Dyma sut y gallwch gysylltu â ni

Cysylltwch â ni

Cyfeiriad E-bost

Dilynwch ni

Oes gennych chi gwestiwn?

Dyma sut y gallwch gysylltu â ni

Cysylltwch â ni

Cyfeiriad E-bost

Dilynwch ni

Gwefan gan Lda.

© 2023 Cambria