Bioleg - Lefel A

A yw’n ddiogel bwyta bwyd sydd wedi’I addasu’n enetig? A yw’n bosib clonio bodau dynol? Beth allwn ni wneud am newid hinsawdd? A fyddwn ni’n gallu dod o hyd I driniaeth I wella AIDS? Os oes gennych chi ddiddordeb mewn cwestiynau fel hyn, yna Bioleg yw’r pwnc I chi.

Yn y labordy bydd digon o sesiynau ymarferol a byddwch yn eu defnyddio i’ch helpu I ddatblygu sgiliau ar gyfer eich arholiadau ysgrifenedig ac ymarferol. Mae’r pynciau y byddwch yn eu hastudio’n cynnwys - y galon, y system dreulio, DNA, cellraniad, y system nerfol, dosbarthiad a bioamrywiaeth. Byddwch hefyd yn edrych ar - dwf poblogaeth, ffotosynthesis, resbiradu, etifeddiaeth enetig, peirianneg enetig a thechnoleg genynnau.

Mae'r cwrs Bioleg Safon Uwch yn dilyn manyleb CBAC ac yn adeiladu ar y testunau a gafodd eu hastudio ar lefel TGAU. Mae’r meysydd astudio lefel UG yn cynnwys strwythur celloedd, maetheg a chludiant mewn planhigion ac anifeiliaid. Ar lefel Safon Uwch, bydd yr astudiaeth yn ehangu I ystyried cymwysiadau ehangach Bioleg, fel microbioleg, homeostasis, geneteg a therapi genynnau. Bydd y pynciau hyn yn cael eu cyflwyno trwy ddau fodiwl theori ym mhob blwyddyn o'r rhaglen.

Uned 1: Biocemeg Sylfaenol a Threfniadaeth Celloedd:
Moleciwlau biolegol, strwythur celloedd a threfniadaeth, cellbilenni a chludiant, adweithiau cellol sy’n cael eu rheoli gan ensymau, asid niwclëig a’u swyddogaeth, mitosis a meiosis.

Uned 2: Bioamrywiaeth a Ffisioleg Systemau’r Corff:
Dosbarthiad a bioamrywiaeth, addasiadau ar gyfer cyfnewid nwyon, addasiadau ar gyfer cludiant mewn planhigion ac anifeiliaid, addasiadau ar gyfer maethiad.

Uned 3: Egni, Homeostasis a’r Amgylchedd:
Pwysigrwydd adenosin triffosffad (ATP), ffotosynthesis, resbiradaeth, microbioleg, maint poblogaeth ac ecosystemau, effaith y boblogaeth ddynol ar yr amgylchedd, homeostasis a’r aren, y system nerfol. Cysyniadau craidd o Uned 1 (yn gallu cael eu hasesu ar unrhyw gynnwys o uned 3).

Uned 4: Amrywiaeth ac Etifeddiaeth:
Atgenhedlu rhywiol - dynol, atgenhedlu rhywiol - planhigion, etifeddiaeth, amrywiaeth ac esblygiad, cymhwyso atgenhedlu a geneteg, unedau dewisol 1 o 3 (bydd y tiwtoriaid yn penderfynu arnynt). A: Imiwnoleg a chlefyd. B: Anatomi cyhyrsgerbydol dynol. C: Niwrofioleg ac ymddygiad. Cysyniadau craidd o Uned 1 (yn gallu cael eu hasesu ar unrhyw gynnwys o uned 4).

Uned 5: Ymarferol
Rhaid cadw cofnod o’r gwaith ymarferol mewn llyfr labordy fel tystiolaeth ar gyfer yr arholiad ymarferol. Gall yr arholiad fod yn seiliedig ar unrhyw un o’r sesiynau ymarferol penodedig neu ar unrhyw gynnwys theori sydd wedi’u gwneud fel rhan o unrhyw uned yn ystod y ddwy flynedd o astudio.