Astudiaethau Cyfryngau Safon Uwch

Uned 1: Ymchwilio i’r Cyfryngau
Yn yr uned hon, bydd dysgwyr yn astudio tri phwnc, datblygu gwybodaeth a deall cysyniadau allweddol astudiaethau’r cyfryngau - iaith y cyfryngau, cynrychioliadau, diwydiannau a chynulleidfaoedd y cyfryngau - a’u defnyddio nhw fel fframwaith ar gyfer dadansoddi’r cyfryngau.

Mae’r meysydd byddwch chi’n eu hastudio’n cynnwys:
● Delweddau Gwerthu - Hysbysebu a Fideos Cerddoriaeth
● Newyddion yn yr Oes Ar-lein
● Diwydiannau Ffilm - O Gymru i Hollywood.

Bydd dysgwyr yn ymchwilio i’r meysydd hyn trwy ddadansoddi a chymharu amrediad o gynhyrchion y cyfryngau’n fanwl, gan ystyried agweddau megis eu defnydd o iaith y cyfryngau, nodweddion genre a naratif a’r cynrychioliadau maen nhw’n eu cynnig. Bydd dysgwyr yn astudio rôl diwydiannau’r cyfryngau mewn siapio cynnyrch y cyfryngau, yn ogystal ag ystyried y modd y mae cynulleidfaoedd yn cael eu targedu a sut maen nhw’n dehongli’r cyfryngau.

Uned 2: Creu Cynhyrchiad Cyfryngol
Ar gyfer yr uned hon mae angen i ddysgwyr ddatblygu a defnyddio eu gwybodaeth a’u dealltwriaeth am gysyniadau’r cyfryngau i gynhyrchu cynnyrch ymarferol.

Bydd dysgwyr yn cwblhau’r isod:
● Ymchwil a chynllunio
● Cynhyrchu
● Dadansoddiad adfyfyriol ar sut mae’r cynrychioliadau wedi’u llunio a sut mae confensiynau yn cael eu defnyddio i dargedu’r gynulleidfa benodol.

Uned 3: Y Cyfryngau yn yr Oes Fyd-eang
Yn yr uned hon mae angen i ddysgwyr astudio amrediad o ffurfiau cyfryngol gwrthgyferbyniol yn fanwl, gan ymchwilio i’r holl gysyniadau allweddol – iaith y cyfryngau, cynrychioliadau, diwydiannau’r cyfryngau a chynulleidfaoedd.

Mae’r meysydd byddwch chi’n eu hastudio’n cynnwys:
● Teledu yn yr Oes Fyd-eang
● Cylchgronau: Cyfryngau Prif Ffrwd a Chyfryngau Amgen
● Y Cyfryngau yn yr Oes Ddigidol - Gemau Fideo

Bydd dysgwyr yn ymchwilio’r meysydd hyn trwy ddadansoddi a chymharu cynhyrchion y cyfryngau’n fanwl, gan ystyried sut mae cynrychioliadau grwpiau cymdeithasol a diwylliannol wedi’u llunio trwy iaith y cyfryngau. Mae cyd-destun yn rhan bwysig o’r rhan hon o’r astudiaeth hefyd. Bydd dysgwyr yn datblygu dealltwriaeth o sut mae cyd-destunau cymdeithasol, diwylliannol, hanesyddol a diwydiannol perthnasol yn siapio cynnyrch y cyfryngau.

Uned 4: Creu Cynhyrchiad Traws-gyfryngol
Mae’r uned hon yn adeiladu ar y dysgu blaenorol trwy ei gwneud yn ofynnol i ddysgwyr ddatblygu a defnyddio eu gwybodaeth a’u dealltwriaeth am y cyfryngau trwy gynhyrchiad traws-gyfryngol ymarferol. Yn yr Uned Safon Uwch hon bydd pwyslais datblygu’r cynhyrchiad ar waith ymchwil trwyadl.

Bydd dysgwyr yn cwblhau’r isod:
● Gwaith ymchwil manwl
● Amlinelliad datblygiad, yn dangos sut y bydd y gwaith ymchwil yn dylanwadu ar eu cynhyrchiad
● Dadansoddiad beirniadol o sut y cafodd cysyniad cyfryngol allweddol sydd wedi cael ei ymchwilio iddo ei gymhwyso yn y
cynhyrchiad.