Daearyddiaeth - Lefel A

Mae llawer o fyfyrwyr yn dewis Daearyddiaeth oherwydd ei fod yn darparu cyfle i astudio amrediad eang o themâu a materion cyfoes, y mewnwelediad pwysig mae’n ei gynnig i ddeall ein bydoedd cyfoes, a’r cyfle i roi’r wybodaeth hon ar waith trwy gyfrwng gwaith maes. Mae Daearyddiaeth yn cael ei ystyried yn ‘bwnc hwyluso’ ar gyfer mynediad i brifysgol ac mae’n meddu ar y lefel cymhlethdod sy’n gysylltiedig gyda hyn. Mae’r cwrs hwn yn adeiladu ar feysydd y cwrs Daearyddiaeth TGAU ac mae’n ymgorffori sgiliau ysgrifennu traethodau, dadansoddi data, dehongli mapiau, technoleg gwybodaeth, gwaith maes ac ymchwil personol. Ein nod yw darparu addysg o’r radd flaenaf i’n myfyrwyr a rhoi amrediad eang o sgiliau iddynt i’w paratoi ar gyfer gyrfa lwyddiannus a llawn boddhad. Ymdrechwn i ddarparu’r rhain mewn adran ysgogol, gefnogol a chyfeillgar.

Blwyddyn 1 Uwch Gyfrannol
Uned 1 – Tirweddau sy’n Newid
ADRAN A – Tirweddau Arfordirol
ADRAN B – Peryglon Tectonig

Uned 2 – Lleoedd yn Newid
ADRAN A – Lleoedd yn Newid
ADRAN B – Ymchwil Gwaith Maes mewn Daearyddiaeth Ffisegol a Dynol

Blwyddyn 2 Safon Uwch
Uned 3 – Systemau Byd-eang a Llywodraethu Byd-eang
ADRAN A – Systemau Byd-eang – Cylchredau Dŵr a Charbon
ADRAN B – Llywodraethu Byd-eang: Newid a Heriau – prosesau a phatrymau mudo bydol a llywodraethu bydol cefnforoedd y Ddaear
ADRAN C – Heriau’r unfed ganrif ar hugain

Uned 4 – Themâu Cyfoes mewn Daearyddiaeth
ADRAN A – Peryglon Tectonig
ADRAN B – Themâu Cyfoes mewn Daearyddiaeth – Twf Economaidd a Heriau: Affrica is-Sahara ac Ecosystemau

Uned 5 – Ymchwiliad Annibynnol
Asesiad di-arholiad: 3,000 – 4,000 gair wedi’i seilio ar gasgliad o ddata cynradd a gwybodaeth eilaidd.

Mae ymweliadau maes gorfodol yn cefnogi ac yn sylfaen i’r holl agweddau ac maent yn ofynnol ar gyfer y gwaith cwrs dan y fanyleb newydd. Bydd yn ofynnol i fyfyrwyr gynllunio, casglu data a dadansoddi a gwerthuso’r data a gesglir yn annibynnol.