Home > Cyfrif Dysgu Personol

CYFRIF DYSGU PERSONOL (PLA)

Mae’r rhaglen Cyfrif Dysgu Personol yn ceisio darparu cefnogaeth am ddim* i chi ennill sgiliau lefel uwch, i gael mynediad at ystod ehangach o gyfleoedd gwaith ar lefel uwch mewn sectorau blaenoriaeth.

*Os ydych yn hŷn na 19 oed, yn byw yng Nghymru, mewn cyflogaeth (gan gynnwys mewn perygl o gael eu diswyddo a charcharorion sy’n cael eu rhyddhau am y dydd) ac yn ennill llai na’r incwm canolrifol o £32,371 y flwyddyn, mae Cyfrif Dysgu Personol yn ffordd wych i gael y cyfle i astudio cyrsiau penodol yn rhan-amser.

Beth yw Cyfrif Dysgu Personol?

Mae Cyfrifon Dysgu Personol yn darparu dysgu wedi’i ariannu’n llawn*. Byddwch yn gallu cael sgiliau a chymwysterau newydd sydd eu hangen ar gyflogwyr lleol i’ch helpu i ddatblygu eich gyrfa bresennol.

Mae pob un o’r cyrsiau sy’n cael eu cynnig yn cael eu hariannu gan Lywodraeth Cymru.

Gallwch weld y rhestr lawn o gyrsiau Cyfrif Dysgu Personol yng Ngholeg Cambria ar y dudalen cyrsiau.

Siaradwch â'r Tîm

Cysylltwch â ni i gael rhagor o wybodaeth!

Ydych chi’n gymwys?

Ydych chi’n hŷn na 19 oed?
Ydych chi’n byw yng Nghymru?
Ydych chi mewn cyflogaeth ac yn ennill o dan £32,371?

Os ydych chi wedi ateb ‘ydw’ i’r cwestiynau hyn, dylech chi fod yn gymwys ar gyfer cyllid Cyfrif Dysgu Personol a chyrsiau AM DDIM.

Beth sydd angen i chi ei wneud nesaf?

Cam 1

Mae angen i chi gael y dogfennau canlynol yn barod

Eich Pasbort neu Dystysgrif Geni
Trwydded Yrru neu Fil Cyfleustodau
Slipiau cyflog y 3 mis diwethaf (neu un slip cyflog o bob un o’r tri mis diwethaf os telir yn wythnosol)
Bydd rhaid i rai nad oes ganddynt basbort y DU gael Setliad yr UE/BRP

Cam 2

Cliciwch ar y botwm Creu eich Cyfrif Dysgu Personol ar waelod y dudalen hon

Cam 3

Byddwch chi’n cyrraedd ein porth i greu eich Cyfrif Dysgu Personol. Bydd angen i chi greu proffil/cyfrif gyda’r Coleg yma*.

*Os oes gennych chi fanylion mewngofnodi Cambria yn barod o gais blaenorol i’r Coleg, defnyddiwch y manylion hynny.

Cam 4

Ar ôl i chi osod eich proffil/cyfrif gyda’r Coleg, gwnewch y canlynol:

Cwblhewch POB rhan o’r ffurflen gais a thiciwch bob caniatâd perthnasol
Uwchlwytho’r HOLL dystiolaeth angenrheidiol
Cliciwch anfon.

Cam 5

Ar ôl i chi glicio anfon, bydd eich cyfrif yn cael ei ddilysu, byddwn yn gwirio eich dogfennau a bydd aelod o’r tîm Cyfrif Dysgu Personol yn cysylltu â chi o fewn 7 diwrnod.

Ceisiadau sydd heb eu cwblhau

Os nad ydych chi wedi uwchlwytho eich tystiolaeth, byddwch chi’n cael e-bost am 3 diwrnod yn olynol i’ch atgoffa chi.
Os nad ydym yn cael unrhyw ymateb ar ôl y 3 e-bost, bydd eich cais yn cael ei gau a bydd angen i chi ddechrau’r broses o greu eich cyfrif eto.

Rhagor o gyngor ac arweiniad

Cysylltwch â pla@cambria.ac.uk os oes gennych chi ragor o gwestiynau neu os oes angen rhagor o arweiniad arnoch chi.

Creu eich Cyfrif Dysgu Personol

Mae ein cyrsiau am ddim isod wedi’u grwpio fesul pwnc:

Dewch o hyd i restr o Gwestiynau Cyffredin isod

Pwy sy’n gymwys?

Byddwn yn gwirio eich cymhwysedd pan fyddwch yn gwneud cais. Mae’n rhaid i chi fod:

Yn byw yng Nghymru
Eisiau ennill sgiliau/cymwysterau mewn sectorau blaenoriaeth
Yn hŷn na 19 oed

Yn ogystal â hyn rhaid i chi ddilyn y meini prawf canlynol:

Bod yn gyflogedig (gan gynnwys hunangyflogedig a rhai sydd mewn perygl o gael eu diswyddo), yn ennill o dan yr incwm canolrifol (£32,371), neu
Yn weithiwr ar gontract dim oriau, neu
Staff asiantaeth, neu
Droseddwyr sy’n cael eu rhyddhau am y dydd, neu
Gofalwyr llawn amser

Pwy sy’n anghymwys?

Mae unigolion yn anghymwys (ar adeg gwneud y cais) os ydynt:

Yn iau na 19 oed; neu
Yn mynd i ysgol neu goleg yn llawn amser fel disgybl neu fyfyriwr; neu
Yn astudio’n llawn amser ar gwrs addysg uwch; neu
yn astudio cwrs Dysgu yn y Gwaith a ariennir gan Lywodraeth Cymru
yn wladolyn tramor anghymwys; neu
yn cael Grant Dysgu Cynulliad neu Lwfans Cynnal a Chadw Addysg; neu
yn anghyflogedig.

Oes angen unrhyw sgiliau neu gymwysterau penodol arnaf i?

Gan fod y rhaglen i unigolion sy’n dymuno newid eu gyrfaoedd, nid oes angen unrhyw wybodaeth flaenorol am y sector. Gellir dechrau rhai cyrsiau heb unrhyw sgiliau neu gymwysterau penodol.

Ond gallwch drafod gofynion y cwrs pan fyddwch yn cael eich cyfarfod gydag aelod o dîm Cyfrif Dysgu Personol Coleg Cambria.

Sut ydw i’n gwybod pryd fydd y cwrs yn cael ei gynnal?

Bydd staff y coleg yn gwneud eu gorau i ddiwallu anghenion pawb wrth gynllunio dyddiadau ac amseroedd cynnal y cwrs.

Rydym yn gweithredu’n hyblyg a byddwn yn anelu at gyflawni’r dysgu o amgylch ymrwymiadau teuluol a gwaith pobl. Byddwch yn trafod pryd rydych ar gael yn ystod eich asesiad cyn-derbyn. Yn ogystal â hynny, mae’r coleg yn cynnal nifer o gyrsiau ar-lein.

Sut mae’r cwrs yn cael ei ariannu?

Mae Llywodraeth Cymru yn ariannu’r cwrs yn llawn.

Faint fydd y cwrs yn ei gostio i mi?

Bydd Llywodraeth Cymru yn ariannu’r cwrs yn llawn.

Ond bydd angen i chi dalu eich costau teithio a sicrhau fod gennych ddigon o amser i fynychu’r cwrs a’i gwblhau.

Ydw i’n gallu astudio mwy nag un cwrs?

Cyn dechrau’r cwrs, cynigir i chi ddatblygu cynllun hyfforddi a fydd yn nodi’r cyrsiau/cymwysterau y gallwch eu dilyn i’ch helpu i ddatblygu’ch gyrfa ym mha bynnag sector a ddewiswch.

Gallwch ddilyn mwy nag un cwrs, ond rhaid i chi gwblhau un cwrs cyn dechrau un arall.

Os ydw i’n gadael y cwrs, a fyddwn i’n gallu gwneud cais eto?

Rydym yn deall bod amgylchiadau’n newid. Gallech wneud cais i ddechrau cwrs newydd, os ydych yn dal i fodloni’r meini prawf cymhwysedd ar gyfer y rhaglen. Ond, os ydych yn tynnu’n ôl o’ch ail gwrs ni fydd gennych hawl i gael cyllid trwy Gyfrif Dysgu Personol yn y dyfodol.

Pam fod y cyrsiau hyn wedi cael eu dewis?

Mae prinder sgiliau yn y sectorau digidol, adeiladu a pheirianneg, iechyd ac ariannol yn achosi problemau recriwtio i gyflogwyr. Cafodd y cyrsiau hyn eu dewis yn dilyn cryn drafod â chyflogwyr, rhanddeiliaid, grwpiau cynrychioli a chyfranogwyr posibl i sicrhau eu bod yn mynd i’r afael â’r prinder sgiliau yn y sectorau hyn.

Pa fath o gyfrif ydyw? Ydw i’n cael arian yn uniongyrchol?

Ni fyddech yn cael yr arian yn uniongyrchol. Bydd y coleg yn cael ei dalu’n uniongyrchol gan Lywodraeth Cymru.

A fydd cyllid Cyfrif Dysgwr Personol yn cefnogi gofal plant, teithio ac ati?

Ni fydd costau gofal plant, costau teithio neu unrhyw gostau ychwanegol eraill yn cael eu hariannu.

Beth fyddai’n digwydd petawn i’n cael fy niswyddo wrth astudio cwrs Cyfrif Dysgu Personol?

Petaech yn cael eich diswyddo yn ystod eich cwrs Cyfrif Dysgu Personol, yna gallwn gydweithio gyda chi i wneud y gorau o’r arian sydd ar gael i chi petaech yn dymuno ail-hyfforddi.

Oes angen i mi brofi fy mod yn gymwys?

Oes, bydd gofyn i chi ddangos cerdyn adnabod â llun a phrawf o’ch cyflog cyn cwblhau ffurflen hunan-ddatganiad.

Pryd fyddaf yn astudio ar gyfer fy nghymhwyster?

Bydd y coleg yn gweithredu’n hyblyg a byddwn yn anelu at gyflawni’r dysgu o amgylch ymrwymiadau teuluol a gwaith pobl. Byddwch yn trafod pryd rydych ar gael yn ystod eich asesiad cyn-derbyn.

Bydd angen i chi drefnu amser eich hun i astudio ar gyfer y cymhwyster. Gallech ddysgu mewn amgylchedd ystafell dosbarth neu ddosbarth ar-lein ar ddiwrnod penodol yr wythnos.

O ganlyniad i effaith Covid-19, bydd y cyrsiau’n cael eu cyflwyno ar-lein yn unol â rheoliadau’r llywodraeth.

Sut allaf i roi adborth?

Byddai gennym ddiddordeb clywed eich hanes personol am sut mae Cyfrif Dysgu Personol wedi’ch helpu i newid gyrfa a gwireddu eich dyheadau gyrfa. Bydd y cwestiynau hyn yn rhan o’ch cynllun dysgu.

Ydy’r cyrsiau PLA hyn ar gael i’r hunangyflogedig?

Ydy, maent ar gael i unrhyw un sy’n bodloni’r holl feini prawf.

Ydych chi’n gymwys os oes gennych radd eisoes?

Ydych.