Cambria Heini

Oes gennych chi gwestiwn?

Dyma sut y gallwch gysylltu â ni

Oes gennych chi gwestiwn?

Dyma sut y gallwch gysylltu â ni

Trosolwg

Yng Ngholeg Cambria rydym am eich annog chi a’n staff i fod yn heini, yn iach ac yn ystyriol. Hoffem greu dyfodol gyda gweithlu rhagweithiol ac amrywiol i Gymru a’r DU.

Mae Cambria Heini wedi ein helpu i wneud hynny. Rydym wedi gweld newid cadarnhaol yn y diwylliant yng Ngholeg Cambria, gyda staff a myfyrwyr yn dod yn fwy ymwybodol o’u hiechyd, llesiant a lefelau gweithgaredd corfforol.

Ein gweithgareddau ffitrwydd am ddim

Gyda Cambria Heini, rydym yn cynnig gweithgareddau ffitrwydd, llesiant ac iechyd am ddim yn ogystal â diwrnodau cyngor i bawb yng Ngholeg Cambria, gan ymgysylltu a chefnogi ein staff a myfyrwyr i newid unrhyw arferion drwg yn rhai da. Rydym wedi gweld llawer o fyfyrwyr a staff yn ffynnu o’r cyfleoedd maent wedi’u cael, megis pwysedd gwaed is, cynnydd mewn hyder, datblygiad emosiynol gwell a cholli pwysau. Mae Cambria Heini hefyd yn cynnig profiad ymarferol i chi ddatblygu eich hun a’ch CV trwy gyfleoedd hyfforddi, Dug Caeredin, gwobrau hyfforddi amrywiol, gwirfoddoli yn y gymuned neu o fewn y coleg a phrosiectau Erasmus Plus.

Cefnogi eich Iechyd a Llesiant

Yng Ngholeg Cambria rydym yn deall pa mor bwysig yw iechyd a llesiant i chi ac i’n staff hefyd. Mae cynnydd wedi bod yn nifer y bobl sy’n datblygu cyflyrau fel gorbryder, straen, iselder a chlefydau sy’n gysylltiedig ag iechyd yn y wlad yn y blynyddoedd diwethaf.

Gyda Cambria Heini, hoffem gynnig cyfleoedd i helpu i leihau neu atal y cyflyrau hyn. Mae’r gweithgareddau a gynigir yn ategu’r gwaith a wneir gan ein tîm gwasanaethau myfyrwyr, ein hadran adnoddau dynol a’n staff darlithio.

Sesiynau y meddwl, y corff a'r enaid

Mae sesiynau Y Meddwl, Y Corff a’r Enaid Cambria Heini yma i ddatblygu eich dealltwriaeth o bwysigrwydd bod yn ofalgar, sut mae gweithgareddau corfforol yn helpu’r corff a sut mae datblygu enaid yn helpu i gymell a gwella eich twf personol eich hun. Mae’r sesiynau’n cynnwys sgwrs iechyd a llesiant, ynghyd â gweithgareddau corfforol fel ioga, pilates, pêl osgoi a phêl-droed.

Gallwch gael cyngor gan weithwyr proffesiynol hyfforddedig a hyrwyddwyr coleg ar faterion sy’n ymwneud ag iechyd a ffitrwydd. Mae gan y coleg Hyfforddwyr Personol a Gweithwyr Proffesiynol hyfforddedig wrth law i’ch helpu. Gallwch gyrchu ystod eang o weithgareddau corfforol rhad ac am ddim a ddarperir gan Cambria Heini i helpu i leihau straen, pryder a chlefydau sy’n gysylltiedig ag iechyd.

Mae Cambria Heini yn cynnig ystafelloedd ym mhob un o’i safleoedd lle gallwch fynd i gael rhywfaint o amser ymwybyddiaeth ofalgar. Mae ein mewnrwyd myfyrwyr a staff yn cynnig taflenni ffeithiau i wella iechyd, deiet, lefelau cwsg a ffitrwydd a phecyn cerdyn gweithgaredd corfforol.

Gweithgareddau am ddim

Rydym yn cynnig ystod eang o weithgareddau ffitrwydd a chwaraeon AM DDIM sy’n caniatáu i chi fod yn egnïol yn ystod eich amser yn gweithio neu’n astudio yn y coleg. Rydym yn deall pwysigrwydd cadw’n heini, yn enwedig ar ôl eistedd i lawr am y rhan fwyaf o’r dydd yn ystod gwersi a gwaith.

Pa ddosbarthiadau am ddim allwch chi ymuno â nhw?

Troelli

Pilates

Ioga

Badminton

Tai chi

Hyfforddi a Chryfder

Ystafelloedd Ffitrwydd a Champfeydd

Mae gan Goleg Cambria ystafelloedd ffitrwydd i staff eu defnyddio am ddim ar ein safle yng Nglannau Dyfrdwy a Llysfasi, ynghyd â champfa breifat ar y safle o’r enw Lifestyle Fitness ar safle Glannau Dyfrdwy a champfa newydd sbon ar ein safle Iâl. Mae nifer o gampfeydd preifat wedi’u lleoli ger ein safle yn y Bers ac Iâl. Mae Coleg Cambria hefyd yn cynnig amrywiaeth o ostyngiadau staff ar gyfer campfeydd lleol yn Wrecsam, Sir y Fflint a Swydd Gaer fel rhan o’n hwb buddion staff.

Trosolwg

Yn ystod eich amser yng Ngholeg Cambria, byddwch chi’n cael llwythi o gyfleoedd i ddatblygu eich sgiliau ‘meddal’, fel hyder, cadw amser, gwytnwch a gwaith tîm. Gall Cambria Heini gynnig cyfleoedd i chi ddatblygu eich sgiliau hyfforddi, TG, gweinyddu a marchnata, yn y coleg ac yn y gymuned leol i ehangu eich sgiliau personol.

Mae rhaglen wirfoddoli o’r enw ‘Arweinwyr Dibynadwy’ ar gael i ymuno â hi, lle byddwch yn cael tystysgrifau gwirfoddolwyr y Mileniwm, cymwysterau hyfforddi, teithiau i ffwrdd a mentora i’ch galluogi i dyfu. Gall staff sy’n helpu gael eu rhoi ar grŵp Bydda’n Bencampwr y coleg. Gall y gwaith gwirfoddol hwn eich helpu chi gyda Gwobr Dug Caeredin, Bagloriaeth Cymru a gwella eich CV.

Rhowch wybod i ni am eich dawn

Oes gennych chi ddawn neu allu arbennig? Gallwn eich helpu i’w ddatblygu a’i feithrin gyda’r gwaith rydym yn ei wneud ochr yn ochr â’r rhaglen fwy galluog a thalentog (MAT).

Os oes gennych chi (neu’ch plentyn) ddawn yr hoffech ei rhannu, rhowch wybod i’r coleg. Os mai hyfforddi, maetheg, TG, Marchnata neu ffitrwydd yw eich dawn rhowch wybod i’n staff Cambria Heini ar activecambria@cambria.ac.uk.

Gwersylloedd Gwyliau Cambria Heini

Cadwch eich plant yn heini trwy gydol gwyliau’r ysgol gyda Gwersylloedd Gwyliau Cambria Heini yng Nglannau Dyfrdwy! Mae ein tîm o hyfforddwyr cyfeillgar, proffesiynol a chymwys yn cyflwyno gweithgareddau, digwyddiadau a sesiynau hwyliog ac ysbrydoledig sydd wedi’u dylunio i gefnogi meddwl, corff ac enaid eich plentyn.

O bêl-droed i ioga, athletau i gelf a chrefft, bydd ein tîm cymwys o hyfforddwyr cyfeillgar, proffesiynol yn cyflwyno sesiynau deniadol i ddatblygu gwytnwch, cryfder, hyder a ffitrwydd eich plentyn.

Mae’r gwersylloedd yn cael eu cynnal bob hanner tymor ac yn ystod tair wythnos o’r gwyliau haf. Sylwch fod angen i blant ddod â lluniaeth fel diodydd, byrbrydau a chinio gyda nhw, yn ogystal â gwisgo dillad chwaraeon ac esgidiau addas ar gyfer gweithgareddau dan do a thu allan.

I ddarganfod pryd mae’r Gwersyll Gwyliau Cambria Heini nesaf ac i gadw eich lle, anfonwch e-bost at activecambria@cambria.ac.uk

Yr haf hwn byddwn ni’n cynnal gwersylloedd gwyliau ar nifer o ddiwrnodau i blant rhwng 5 oed – 11 oed. Bydd pob diwrnod ar ein safle yng Nglannau Dyfrdwy (Ffordd Celstryn, Cei Connah, Glannau Dyfrdwy, CH5 4BR) a bydd yn cael ei gynnal o 9:30am tan 3:30pm.

Mae’r gwersyll yn costio £15 y plentyn. Byddwn ni’n darparu byrbrydau yn ystod amser egwyl bob dydd ond bydd angen i blant ddod â phecyn cinio eu hunain a photel o ddŵr.

Bydd y gwersylloedd yn cael eu cynnal ar y diwrnodau canlynol:

Dydd Mawrth 23 Gorffennaf 2024
Dydd Mercher 24 Gorffennaf 2024
Dydd Iau 25 Gorffennaf 2024
Dydd Mawrth 6 Awst 2024
Dydd Mercher 7 Awst 2024
Dydd Iau 8 Awst 2024
Dydd Mawrth 13 Awst 2024
Dydd Mercher 14 Awst 2024
Dydd Iau 15 Awst 2024

Ar ôl i chi lenwi’r ffurflen hon ffoniwch ein tîm cyllid ar 01978 267589 neu 01978 267588 i dalu. Fel arall, gallwch chi dalu yn ein sesiynau athletau iau ar ddydd Llun neu ddydd Mercher. Ni fyddwn ni’n cadarnhau eich lle oni bai ein bod wedi cael taliad.

Byddwn ni’n anfon e-bost cadarnhau atoch chi o leiaf wythnos cyn y gwersyll gyda’r holl wybodaeth am y dyddiau.

Sesiynau Athletau Iau

Mae plant rhwng pump a naw oed yn cael eu gwahodd i ymuno â ni am sesiwn rhedeg, neidio a thaflu sy’n hwyl a difyr bob dydd Llun a dydd Mercher o 6pm tan 7pm yn Stadiwm Glannau Dyfrdwy, Cei Connah. Pris sesiynau yw £5.00 y plentyn (taliad heb arian parod) ac mae’n hanfodol cadw lle ymlaen llaw. I gadw lle i’ch plentyn, cwblhewch y ffurflen isod ac arhoswch am e-bost gan Donna Welsh i gadarnhau eich lle (yn anffodus ni allwn roi lle i bobl sydd heb gadw lle). Er mwyn cymryd rhan, dylai plant wisgo esgidiau rhedeg a dillad chwaraeon, a dod â diod o ddŵr neu sudd gyda nhw.

Enw'r Plentyn

Enw'r Rhiant

Cyfeiriad e-bost

Unrhyw Wybodaeth Feddygol y Dylem Fod Yn Ymwybodol Ohoni?

Rhif ffôn cyswllt

Dyddiad Geni'r Plentyn

Cadarnhewch Eich Bod Chi’n Hapus I Ni Roi Eich Manylion O'r Ffurflen Ar Upshot, System Gofrestru Ar-lein Ddiogel. Gallwch Chi Ofyn i'r Manylion Hyn Gael eu Dileu Ar Unrhyw Bryd.

Ydw Nac Ydw

Rwy'n Caniatáu I Luniau O Fy Mhlentyn Gael eu Defnyddio At Ddibenion Marchnata

Ydw Nac ydw

Cymraeg

Mewnrwyd Staff

Hwb Myfyrwyr

Gwnewch Gais Rŵan

Cymreag

Gwnewch Gais Rŵan

Cambria Heini

Oes gennych chi gwestiwn?

Dyma sut y gallwch gysylltu â ni

Cysylltwch â ni

Cyfeiriad E-bost

Dilynwch ni

Oes gennych chi gwestiwn?

Dyma sut y gallwch gysylltu â ni

Cysylltwch â ni

Cyfeiriad E-bost

Dilynwch ni

Beth Yw Cambria Heini

Iechyd a Llesiant

Gweithgareddau Ffitrwydd

Cyfleoedd i Chi

Gweithgareddau Cymunedol

Trosolwg

Ein gweithgareddau ffitrwydd am ddim

Cefnogi eich Iechyd a Llesiant

Sesiynau y meddwl, y corff a'r enaid

Gweithgareddau am ddim

Pa ddosbarthiadau am ddim allwch chi ymuno â nhw?

Ystafelloedd Ffitrwydd a Champfeydd

Trosolwg

Rhowch wybod i ni am eich dawn

Gwersylloedd Gwyliau Cambria Heini

Sesiynau Athletau Iau

Gwefan gan Lda.

© 2024 Cambria

Mewnrwyd Staff

Hwb Myfyrwyr