Y Gyfraith - lefel A

Mae’r cwrs yn archwilio sut mae’r system gyfreithiol yn gweithio ac yn ystyried ei effeithiolrwydd. Byddwch yn darganfod gwahanol ffynonellau’r gyfraith megis y Senedd, Cynulliad Cymru ac Uchelfraint Frenhinol. Byddwch yn gwerthuso dylanwadau ar y gyfraith ac ar ddiwygio’r gyfraith. Bydd y cwrs yn gwella eich dealltwriaeth o sut mae’r gyfraith yn gweithio’n ymarferol, gan astudio systemau’r llysoedd sifil a throseddol, a dedfrydu. Byddwch yn archwilio cyfraith Tort hefyd, sy’n cynnwys hawliadau sifil. Mae hyn yn cynnwys elfennau cyfreithiol sydd yn rhaid eu profi, a sut mae iawndal yn cael ei gyfrifo. Byddwch hefyd yn astudio rhai achosion diddorol a rhyfedd, a chael cyfle I gymryd rhan mewn dadleuon a ffug dreialon. Yn yr ail flwyddyn byddwch yn archwilio’n feirniadol sut mae’r gyfraith yn cael ei gorfodi a’r heddlu. Byddwch hefyd yn astudio cyfraith droseddol, y broses treialon troseddol, a hawliau dynol.

Yn ystod y flwyddyn gyntaf:

Natur Cyfraith a Systemau Cyfreithiol yng Nghymru a Lloegr
· Gwneud cyfreithiau
· Deddfwriaeth ddirprwyedig, datganoli a Chynulliad Cymru
· Dehongliad statudol
· Cyfreithiau blaenorol a chyfreithiau achos
· Llysoedd Sifil
· Y Broses Droseddol

Cyfraith Tort
• Natur Tort
• Esgeulustod Tort
• Atebolrwydd deiliaid
• Unioni a chyfrifo iawndaliadau

Mae dwy uned ychwanegol yn yr ail flwyddyn:

Ymarfer Cyfraith Hawliau
• Rheolau a damcaniaethau Hawliau Dynol
• Hawliau megis rhyddid mynegiant, hawl I breifatrwydd, cynulliad a phrotestio
• Cyfyngiadau ar Hawliau Dynol
• Pwerau'r heddlu
• Dadl yn ymwneud â diogelu hawliau dynol yn y DU

Persbectifau Cyfraith Hawliau
• Diffiniad o drosedd
• Atebolrwydd llym a ffactorau a allai wrthod atebolrwydd troseddol
• Tramgwyddau yn erbyn person
• Tramgwyddau Eiddo
• Amddiffynfeydd
• Ymgeisiadau