Celf, Crefft a Dylunio (Celf, Crefft a Dylunio, Celfyddyd Gain, Dylunio Tecstiliau, Dylunio 3D a Dylunio Graffeg) - Safon Uwch

Dyma'r ehangaf o'r holl arbenigeddau Celf a Dylunio Safon Uwch ac mae'n cwmpasu amrywiaeth eang o gyfryngau a thechnegau.

Mae'r Safon Uwch yn rhaglen o waith cwrs heriol, gwerth chweil a chyffrous heb unrhyw arholiadau sy'n cynnig profiad gwerthfawr i chi os oes gennych chi ddiddordeb brwd Celf a Dylunio.

Fel cwrs cyffredinol, mae hwn yn eich galluogi i gadw'ch opsiynau ar agor ar gyfer y dyfodol ac yn darparu sylfaen addysgol dda i bob gyrfa. Bydd yn ehangu eich sgiliau trosglwyddadwy gydol oes y mae cyflogwyr a phrifysgolion yn awyddus eu cael. Sgiliau fel creadigrwydd, datrys problemau, dysgu annibynnol, sgiliau trefnu a chyfathrebu, wrth annog eich potensial creadigol.

Mae pob myfyriwr yn cymryd rhan mewn gweithdai ymarferol a damcaniaethol ac yn cael eu hannog i arbrofi gydag ystod o gyfryngau a datblygu sgiliau trwy amrywiaeth o weithgareddau ac arbenigeddau gan gynnwys ffotograffiaeth, tecstilau, ffasiwn, celfyddyd gain, lluniadu, paentio, 3D, graffeg a gwneud printiau. Mae gwaith ymarferol yn cael ei ategu gan ddadansoddiad beirniadol o ffynonellau ac ymchwil priodol.

Cewch gael i archwilio prosesau gan ddefnyddio stiwdios celf a dylunio arbenigol i gynhyrchu portffolio personol o waith. Os hoffech arbenigo ar ôl y rhan o’r cwrs sy’n adeiladu sgiliau, gallwch wneud hynny ar brosiectau personol, gan ddatblygu eich gwaith eich hun mewn unrhyw gyfeiriad gyda chefnogaeth staff addysgu medrus.

Mae yna lawer o gyfleoedd i ddysgu sgiliau newydd ac mae myfyrwyr yn cwblhau prosiectau seiliedig ar aseiniadau sy'n datblygu sgiliau meddwl a chyfathrebu a'r gallu i ddatrys problemau. Gallwch ddisgwyl gweithio gyda deunyddiau celf traddodiadol a'r cyfryngau digidol diweddaraf gan ddefnyddio cyfrifiaduron iMac safonol y diwydiant a meddalwedd Adobe.

Bydd yna gyfleoedd i weithio gydag artistiaid, dylunwyr a chrefftwyr. Byddwch yn cymryd rhan mewn gweithgareddau diwylliannol a chyd-destunol ac ymweliadau addysgol i gefnogi eich astudiaethau ac mewn arddangosfeydd allanol a chystadlaethau'r diwydiant creadigol.