Llywodraeth a Gwleidyddiaeth - Lefel A

Mae Llywodraeth a Gwleidyddiaeth Safon Uwch yn bwnc newydd i’w astudio sy’n gyffrous ac yn ddynamig. Mae’n rhoi cyfle i chi drafod ystod o faterion a datblygu sgiliau academaidd gwerthfawr. Mae Gwleidyddiaeth Safon Uwch yn bwnc anrhydeddus sy’n cael ei groesawu gan brifysgolion ac yn eich galluogi i symud ymlaen i ddewis eang o gyrsiau a gyrfaoedd yn y dyfodol.
Mae Gwleidyddiaeth UG a Safon Uwch yn dilyn manyleb CBAC.
Uwch Gyfrannol Blwyddyn 1
Y prif feysydd astudio fydd y Llywodraeth yng Nghymru a’r Deyrnas Unedig a Chymryd rhan mewn Democratiaeth. Mae’r cwestiynau allweddol yn ymwneud â’r cyfansoddiad, y llywodraeth a’r pwerau datganoledig gan ystyried: sofraniaeth, pŵer ac atebolrwydd - lle mae’r pŵer yn system wleidyddol Prydain? Pwy sydd mewn pŵer a sut y mae’r rhain yn cael eu cadw’n atebol? Beth ydy ystyr dinasyddiaeth yma yn y Deyrnas Unedig? Beth ydy hawliau ein dinasyddion a sut y medrwn ni ddylanwadu ar a chael effaith ar brosesau gwleidyddol? Sut gallwn ni ymgysylltu â gweithgaredd gwleidyddol? Sut mae pleidiau gwleidyddol yn gweithredu?
Safon Uwch Blwyddyn 2
Bydd yr ail flwyddyn yn cyfuno astudio cysyniadau a damcaniaethau gwleidyddol, gan ymchwilio i ystod o ideolegau fel Sosialaeth, Cenedlaetholdeb, Ceidwadaeth, Rhyddfrydiaeth ac uned ychwanegol am Lywodraeth a Gwleidyddiaeth Unol Daleithiau’r America, gan eto gwestiynu lle mae’r pŵer, democratiaeth a chyfranogiad yn y system wleidyddol.

Gweithgareddau Allgyrsiol
Bydd yr holl fyfyrwyr yn cael cyfle i ddatblygu eu diddordebau a pharatoi eu hunain ar gyfer y brifysgol a gyrfa. Bydd y gweithgareddau’n cynnwys teithiau fel rhai i gynadleddau ac i’r senedd yn Llundain neu Senedd Cynulliad Cymru yng Nghaerdydd, trafodaethau rhyngweithiol; siaradwyr gwadd a chyfle i holi amrywiaeth o westeion gan gynnwys Aelodau Senedd Prydain ac Aelodau Senedd Cynulliad Cymru