Iaith a Llenyddiaeth Saesneg Cyfunol - Safon Uwch

Mae’r cwrs Iaith a Llenyddiaeth Saesneg cyfunol yn gwrs difyr, heriol a hynod lwyddiannus yn y coleg. Mae myfyrwyr yn dysgu dadansoddi a chymharu ystod eang o destunau - o farddoniaeth, drama, nofelau i newyddiaduriaeth a thestunau anllenyddol. Mae’r myfyrwyr yn dysgu geirfa ieithyddol a llenyddol, a gwybodaeth am gyd-destun ysgrifennu a chyhoeddi’r testunau.

Lefel UG
Mae Adran 1 UG yn cynnwys:
• Astudio detholiad o farddoniaeth;
• Dadansoddi testunau nad ydynt wedi’u gweld o’r blaen o sawl genre, er mwyn meithrin sgiliau cymharu;
• Ysgrifennu creadigol mewn sawl genre, ynghyd â meithrin sgiliau i ysgrifennu sylwebaethau.

Mae Adran 2 UG yn cynnwys:
• Astudiaeth fanwl o destun drama;
• Astudiaeth fanwl o destun anllenyddol.

Lefel Safon Uwch
Mae Adran 3 Safon Uwch yn cynnwys:
• Testun gan Shakespeare. Yn yr arholiad dwy awr, bydd gofyn i chi ddadansoddi detholiad ohono’n fanwl, yn ogystal ag ysgrifennu traethawd estynedig.

Mae Adran 4 Safon Uwch yn cynnwys:
• Astudio gwahanol fathau o destunau ac o gyfnodau gwahanol, nad ydych wedi’u gweld o’r blaen, sy’n cynnwys testunau llafar; ac
• Astudio testun rhyddiaith. Bydd yn cael ei asesu trwy arholiad ysgrifenedig dwy awr o hyd.

Ar gyfer Adran 5, mae hi’n ofynnol eich bod yn cyflwyno:
• Dau ddarn o waith cwrs, sy’n cynnwys traethawd 1500-2000 o eiriau a darn ysgrifennu creadigol 1000-1500 o eiriau.