Ffrangeg - Lefel A

Mae’r cwrs hwn wedi’i ddylunio ar gyfer myfyrwyr â diddordeb a brwdfrydedd tuag at ddysgu iaith.

Mae’r cwrs Uwch Gyfrannol / Safon Uwch yn darparu llwybr cynnydd naturiol i fyfyrwyr a astudiodd yr iaith ar lefel TGAU. Bydd y pedwar sgil – gwrando, siarad, darllen ac ysgrifennu – yn cael eu datblygu ymhellach ac yn caniatáu i fyfyrwyr ddeall Ffrangeg yn ddyfnach.

Bydd y myfyrwyr yn derbyn y cymorth a’r anogaeth sydd eu hangen arnynt i ddod yn gyfathrebwyr hyderus ac effeithiol a chymryd eu lle fel aelodau’n cymdeithas fyd-eang amlieithog. Yn ogystal ag astudio amrediad o bynciau cyfredol, bydd y myfyrwyr yn cael cyfle hefyd i edrych ar fyd sinema a llenyddiaeth Ffrangeg.

Rydym yn darparu adnoddau rhagorol i’n myfyrwyr sy’n cyfoethogi eu profiad dysgu.

Rydym yn annog ein myfyrwyr i ymweld â Ffrainc a chael profiad uniongyrchol o ddiwylliant a ffordd o fyw’r wlad. Rydym yn cynnig cyfleoedd teithio i’n myfyrwyr a byddant yn cael eu cynghori hefyd ynghylch cyfleoedd i deithio i Ffrainc yn annibynnol, ar brofiad gwaith neu gyrsiau astudio dramor. Rydym yn awyddus i ddarparu’r cyfle i’n myfyrwyr roi eu sgiliau iaith ar waith yn ymarferol tra yma yn y coleg hefyd. Bydd grwpiau bychain yn gweithio bob wythnos gyda chymhorthydd ieithoedd tramor, yn ogystal â chael llu o gyfleoedd i drafod a sgwrsio yn eu gwersi.