O Synwyryddion i Ddangosfyrddau - Dysgu Hanfodion LPWAN a LoRaWAN

Mae LoRaWAN (Rhwydwaith Ardal Eang Pellter Hir) yn brotocol rhwydweithio LPWAN (Rhwydwaith Ardal Eang Pŵer Isel) sy'n rhan o gyfres o dechnolegau Rhyngrwyd Pethau. Mae'n eich galluogi i gysylltu synwyryddion yn ddiwifr sy'n gallu casglu data a'u harddangos ar ddangosfwrdd, (yn ogystal â phethau eraill). Gan ddefnyddio meddalwedd cod agored ac amleddau didrwydded, mae gan dechnolegau LoRaWAN nifer o fanteision posibl i gwmnïau sydd am elwa o’r buddion sydd ynghlwm â’r systemau cysylltiedig.
Ar y cwrs hwn byddwch yn dysgu hanfodion rhwydweithio, synwyryddion a phyrth LoRaWAN. Bydd sesiwn damcaniaethol i ddechrau yna profiadau ymarferol i ddilyn. Byddwch yn dysgu pa mor bwerus y gall y dechnoleg hon fod ac yn ennill sgiliau ymarferol a fydd yn eich galluogi i osod synhwyrydd syml a fydd yn cael data.
Beth fyddwch chi'n ei ddysgu
Byddwch yn astudio’r unedau canlynol -
● Cyflwyniad i Rwydweithiau Synhwyrydd Di-wifr
○ LoRa, LoRaWAN, Zigbee, ac ati.
○ Defnydd Ymarferol Synwyryddion
● Rhwydweithiau Synhwyrydd Di-wifr
○ LPWAN
○ LoRa
○ Hanfodion LoRaWAN
○ LoRaWAN neu Zigbee, (Sigfox, NB-IOT, Zwave, ac ati.)
● Gweithio gyda System Sylfaenol a Sut i'w Gosod
○ Y Rhwydwaith Pethau
○ Synhwyrydd Di-wifr
○ Ddangosfyrddau Data
○ Pyrth Di-wifr

Hyd a Dull Cyflwyno’r Cwrs
Mae'r cwrs yn para 6 awr. Byddwch yn ennill sgiliau a gwybodaeth yn ogystal â chael profiadau ymarferol.
Pam astudio’r cwrs hwn?

Bwriad y cwrs yw darparu cyflwyniad ac ymwybyddiaeth well o dechnolegau LoRaWAN a pha effaith y gallai'r dechnoleg hon ei chael ar eich sefydliad a sut y gallai fod o fudd iddo yn y dyfodol.


Bwriad y cwrs yw darparu cyflwyniad ac ymwybyddiaeth well o dechnolegau LoRaWAN ac LPWAN. Bydd yn cyflwyno rhai sgiliau ymarferol a gwybodaeth am sut y caiff ei ddefnyddio. Bydd cyfle hefyd i ystyried pa effaith y gallai'r dechnoleg hon ei chael ar eich sefydliad a sut y gallai fod o fudd iddo yn y dyfodol.