Niwrodechnoleg Lefel 1

Oes gennych chi ddiddordeb mewn Technolegau Digidol ond yn pryderu na fyddech yn gallu ymdopi mewn amgylchedd coleg mawr? A yw’n well gennych gael eich addysgu mewn grwpiau bach gyda staff cyfarwydd ag amserlen reolaidd? Os felly, mae gennym ni’r cwrs delfrydol i chi.
Mae ein cwrs Lefel 1 mewn Niwrodechnoleg yn gwrs cwbl gynhwysol a chefnogol sydd wedi’i anelu at ymadawyr ysgol gydag anawsterau cyfathrebu cymdeithasol fel Awtistiaeth. Mae’r cwrs yn cael ei ddarparu mewn amgylchedd dysgu bach gyda lefelau isel o ysgogiad synhwyraidd. Mae’r cwrs yn cynnig y strwythur a’r drefn sydd eu hangen i gadw pryderon dan reolaeth.

Mae astudio cwrs Niwrodechnoleg yng Ngholeg Cambria yn eich galluogi i weithio gyda chynhyrchion arloesol a thechnoleg newidiol mewn un o’r sectorau sy’n cynyddu gyflymaf yn y byd. Mae’n eich rhoi yn y sefyllfa gorau posib i fanteisio i’r eithaf ar yr amgylchedd digidol hwn ac ar eich potensial.

Bydd cwrs Niwrodechnoleg yn cynnig yr amrediad cywir o sgiliau a gwybodaeth er mwyn sicrhau eich bod yn datblygu ac yn llwyddo I gyflawni eich dyheadau. Byddwch yn gweithio ochr yn ochr â dysgwyr niwroamrywiol eraill I ddatblygu eich sgiliau digidol a chyflogadwyedd gyda chymorth staff profiadol. Byddwch yn cael rhaglen ddysgu unigol I ddatblygu eich sgiliau cyfathrebu cymdeithasol, trefnu a sgiliau bywyd.
Bydd cymhwyster BTEC Lefel 1 Pearson mewn Technoleg Gwybodaeth yn rhoi’r sgiliau hanfodol sydd eu hangen arnoch I lwyddo gan gynnwys rhai o’r canlynol -

● Bod yn drefnus
● Llunio cynllun datblygu personol
● Gweithio gydag eraill
● Ymchwilio I bwnc
● Defnyddio technolegau cyfathrebu digidol
● Datrys problemau technolegol TG
● Creu taenlenni I ddatrys problemau
● Creu gwefannau
● Creu cynnyrch digidol
● Datblygu animeiddiad graffig digidol

Byddwch yn canolbwyntio ar ddatblygu llythrennedd a rhifedd ar y rhaglen, a bydd cyfle I chi ymgymryd â chymwysterau Sgiliau Hanfodol Cymru mewn Cyfathrebu a Chymhwyso Rhif neu ailsefyll arholiadau TGAU mewn Mathemateg a Saesneg.