Diploma lefel 3 mewn Datblygu Gemau a TG

Mae astudio Datblygu Gemau a TG yng Ngholeg Cambria yn eich galluogi i weithio gyda chynnyrch arloesol a thechnoleg newidiol yn y sector sy’n tyfu gyflymaf yn y byd. Mae’n eich rhoi chi yn y lle gorau un i wneud y mwyaf o’r amgylchedd digidol hwn ac elwa’n llawn ar eich potensial CHI.

Mae cyfrifiaduron yn bodoli ym mhob agwedd o’n byd. Gallai gyrfa yn y diwydiant arloesol sy’n symud yn gyflym hwn fod yn eiddo i chi.

Bydd y cwrs hwn yn eich darparu gyda’r cyfuniad cywir o sgiliau i ddatblygu eich gyrfa, gan sicrhau eich bod yn cael y cyfuniad cyffredinol gorau o sgiliau i lwyddo.

Cyflwynir y cwrs hwn mewn amgylchedd ymgolli, lle byddwch yn cyfranogi’n llawn o agweddau niferus ar ddatblygu gêmau a thechnolegau TG digidol wrth i chi ddysgu’r sgiliau y bydd arnoch eu hangen er mwyn bod yn llwyddiannus yn eich dyfodol. Byddwch yn caffael gwybodaeth gyflawn, profiad a sgiliau trosglwyddadwy fel y gallwch symud ymlaen i Brifysgol neu yrfa mewn nifer o wahanol feysydd.


Mae’r meysydd y byddwch yn dysgu amdanynt ar y cwrs yn cynnwys;

● Systemau Technoleg Gwybodaeth
● Creu Systemau i Reoli Gwybodaeth
● Defnyddio’r Cyfryngau Cymdeithasol mewn Busnes
● Rhaglennu
● Dylunio Gwefannau
● Datblygu Gemau Cyfrifiadurol
● Rheoli Prosiect TG
● Seiberddiogelwch a Rheoli Digwyddiadau
● Cyflenwi Gwasanaeth TG
● Menter mewn TG
● Graffeg 2D a 3D Digidol
● Animeiddio ac Effeithiau Digidol
● Datblygu Apiau Symudol

Yn ail flwyddyn y cymhwyster, cewch ddewis rhwng gwneud cais am le mewn Prifysgol trwy’r broses UCAS, neu ymuno â’r rhaglen TG Uwch, a fydd yn eich darparu gyda sgiliau a chefnogaeth ychwanegol gyda’r nod o symud ymlaen i brentisiaeth neu swydd.