Cyflwyniad i Iaith Arwyddion Prydain (BSL)

Bydd y cwrs Cyflwyniad i Iaith Arwyddion Prydain yn eich galluogi chi i ddeall BSL yn well: yr iaith, y gymuned, y diwylliant ac ymwybyddiaeth o’r byddar. Bydd yn eich helpu chi i gyfathrebu gyda phobl Fyddar neu unigolion sy’n drwm eu clyw mewn sefyllfaoedd bob dydd.

Nod y cwrs ydy darparu arwyddion syml i annog cefnogaeth well i unigolion. Bydd gemau sillafu â bysedd yn gwneud dysgu'n hwyl ac yn weithredol. Trwy ymarfer gyda ffrindiau, byddwch chi’n gallu cyflwyno eich hun, defnyddio cyfarchion a mân siarad cwrtais gan roi hyder newydd i chi.

Wythnos 1: Awgrymiadau Defnyddiol, Sillafu â’r Bysedd a Mân Siarad Cwrtais
Wythnos 2: Emosiynau, Rhifau a’r Teulu
Wythnos 3: Atgoffa, Diwylliant y Byddar, Sgwrsio Bob Dydd
Wythnos 4: Adnabod Arwyddion, Ymwybyddiaeth, Amgylchedd
Wythnos 5: Sgyrsiau Bob Dydd, Dyddiau’r Wythnos, Misoedd y Flwyddyn, Tywydd a’r Tymhorau
Wythnos 6: Atgoffa o wythnosau 1-5, egluro a chwis.

Bydd dysgu iaith newydd yn cyfoethogi eich sgiliau cyflogadwyedd. Bydd yn gwneud i’ch CV sefyll allan a chreu cyfleoedd newydd i ddatblygu eich gyrfa, llwybr gyrfa gwahanol hyd yn oed.

Felly am ba bynnag reswm rydych chi wedi penderfynu ymchwilio i BSL, mae’r cwrs Cyflwyniad i Arwyddion Prydain yn fan cychwyn perffaith.

Helpwch ni i dynnu sylw pawb at yr iaith weledol ryfeddol hon.