NVQ Lefel 2 VTCT mewn Llwybrau i Drin Gwallt neu Therapi Harddwch gan gynnwys Ewinedd (19+)

Mae’r cwrs hwn wedi’i lunio i ddysgwyr 19 oed a hŷn.

Y cymhwyster terfynol fydd naill ai:
Diploma NVQ Lefel 2 VTCT mewn Trin Gwallt
neu
Diploma NVQ Lefel 2 VTCT mewn Therapïau Harddwch ac Ewinedd

Bydd y cwrs yn cael ei gynnal dridiau’r wythnos.

Bydd unedau cyffredin y ddau gwrs yn cael eu cynnal gyda'I gilydd ac yna bydd y grŵp dysgwyr yn rhannu'n sesiynau ar gyfer pob un o'r llwybrau penodol.

Gwybodaeth ar gyfer y Diploma Lefel 2 NVQ mewn Trin Gwallt:
Mae’r cymhwyster hwn yn seiliedig ar safonau galwedigaethol cenedlaethol ar gyfer trin gwallt, ac mae’n cynnwys yr holl elfennau gofynnol sydd eu hangen I weithio’n effeithiol fel triniwr gwallt iau / steilydd gwallt iau.

Mae’n rhaid I ddysgwyr gyflawni pob uned orfodol, sy’n cynnwys:

● Gosod a Thrin Gwallt
● Lliwio a Goleuo
● Ymgynghori
● Siampwio a Chyflyru’r Gwallt

Bydd dysgwyr yn cwblhau sesiynau profiad gwaith yn rheolaidd yn y salon fasnachol yn Iâl, Salon Iâl, wrth astudio eu cymwysterau. Mae meithrin sgiliau cyflogadwyedd yn elfen hanfodol o’r cwrs hwn.

Gwybodaeth ar gyfer Diploma Lefel 2 NVQ mewn Therapïau Harddwch ac Ewinedd:

Mae’r cwrs hwn yn gymhwyster ‘barod I weithio’ sy’n seiliedig ar y Safonau Galwedigaethol Cenedlaethol.

Bydd y cymhwyster hwn yn rhoi'r wybodaeth, y ddealltwriaeth a'r sgiliau angenrheidiol I chi weithio'n gymwys fel Therapydd Harddwch ac Ewinedd. Trwy gydol y cymhwyster hwn, byddwch yn sicrhau cyfrifoldeb I leihau risgiau I iechyd a diogelwch, hyrwyddo gwasanaethau neu gynhyrchion ychwanegol I gleientiaid, datblygu a chynnal eich effeithiolrwydd yn y gwaith, darparu triniaeth gofal croen yr wyneb, gwella ymddangosiad aeliau a blew, cynnal gwasanaethau cwyro a darparu triniaethau i’r traed a’r dwylo ac ewinedd gel.

Mae’r cymhwyster yn cynnwys sesiynau theori ac arholiadau. Enghraifft o rai o’r pynciau y byddwch chi’n eu hastudio ydy; anatomi a ffisioleg, iechyd a diogelwch, a gwerthu cynnyrch a gwasanaethau. Felly mae disgwyl y bydd dysgwyr yn astudio yn eu hamser eu hunain yn ychwanegol at y sesiynau sydd wedi’u hamserlennu yn y coleg, I gwblhau gwaith sy’n cael ei osod fel gwaith cartref.

Ochr yn ochr â hyn, bydd dysgwyr yn meithrin eu sgiliau cyfathrebu a gwasanaethau I gwsmeriaid, eu gwybodaeth am gynaliadwyedd amgylcheddol a’u sgiliau masnachol. Mae cyflogwyr yn rhoi gwerth mawr ar y rhain I gyd.

Bydd dysgwyr yn cwblhau sesiynau profiad gwaith yn rheolaidd yn ein salon harddwch a sba o’r radd flaenaf wrth astudio eu cymwysterau. Mae meithrin sgiliau cyflogadwyedd yn elfen hanfodol o’r cwrs hwn

Yn ogystal â’r cymhwyster Lefel 2 mewn Trin Gwallt a Harddwch ac Ewinedd, bydd rhaglen y maes dysgu yn cynnwys yr unedau gorfodol canlynol:

● Hyfforddiant ac asesiadau Sgiliau Hanfodol Cymru
● Datblygu sgiliau’r Gymraeg
● Mae’n rhaid I bob dysgwr gwblhau cyfnod lleoliad gwaith

Sylwch y gallai eich amserlen gynnwys rhai sesiynau gyda’r nos. Bydd eich tiwtor yn rhoi’r dyddiadau I chi yn ystod y cyfnod ymsefydlu.

Sylwch fod angen cit a gwisg er mwyn gallu astudio’r cwrs hwn.