Diploma Lefel 3 VTCT mewn Therapïau Cyflenwol

Bydd Diploma Lefel 3 mewn Therapïau Cyflenwol yn eich paratoi chi ar gyfer gyrfa fel therapydd. Bydd yr uned yn y cymhwyster hwn yn ymdrin â’r holl sgiliau a gwybodaeth a fydd eu hangen ar gyfer y swydd hon. Mae rhai enghreifftiau yn cynnwys:

● Tylino’r corff
● Aromatherapi
● Adweitheg

Trwy gydol y cymhwyster hwn, byddwch yn datblygu eich gwybodaeth a’ch dealltwriaeth o’r Anatomi a Ffisioleg berthnasol, Iechyd a Diogelwch, a gofal cleientiaid. Byddwch hefyd yn datblygu ystod o sgiliau technegol i’ch galluogi chi i ddarparu amrywiaeth o driniaethau uwch.

Bydd dysgwyr yn cwblhau sesiynau profiad gwaith rheolaidd yn ein salon Harddwch a Sba o’r radd flaenaf wrth astudio eu cymwysterau. Mae datblygu sgiliau cyflogadwyedd yn agwedd sylfaenol ar y cwrs hwn

Mae disgwyliad cryf y dylai myfyrwyr astudio'n annibynnol rhwng y sesiynau ar yr amserlen.

Yn ogystal â’r cymhwyster Diploma Lefel 3 mewn Therapi Cyflenwol, mae rhaglen y maes dysgu yn cynnwys yr elfennau gorfodol canlynol i’r cwrs:

● Hyfforddiant ac asesiadau Sgiliau Hanfodol Cymru
● Datblygu sgiliau Cymraeg
● Rhaid I bob dysgwr gwblhau Lleoliad Gwaith

Sylwch y bydd eich amserlen yn cynnwys rhai sesiynau gyda’r nos. Bydd eich tiwtor yn rhoi dyddiadau I chi yn ystod y cyfnod ymsefydlu.

Sylwch fod angen cit a gwisg I allu astudio’r cwrs hwn.