Lefel 2 UAL Diploma mewn Cynhyrchu a Thechnoleg yn y Cyfryngau Creadigol

Mae ein Diploma Cyfryngau Creadigol yn cynnig rhaglen astudio amlddisgyblaethol sy'n seiliedig ar ymarfer, a fydd yn herio ac yn datblygu'r sgiliau sydd eu hangen i symud ymlaen i'n cwrs Lefel 3.

Byddwch yn datblygu sgiliau ymarferol niferus yn ystod y Bŵt-Camp cychwynnol ac yn gweithio drwy 7 uned graidd cyn arbenigo yn y maes astudio o'ch dewis chi, fel gwneud ffilmiau, golygu fideo, ysgrifennu sgriptiau, creu cynnwys, animeiddio, ffotograffiaeth, dylunio gemau, darlunio digidol, dylunio graffeg, datblygu apiau, cyfryngau print digidol neu gynhyrchu sain.

Byddwch yn creu cyfryngau ystyrlon ar gyfer gwahanol gynulleidfaoedd ar draws llwyfannau niferus, gan ddefnyddio ein hystafell sgrin werdd, stiwdio ffilm, stiwdio ffotograffiaeth, ardal animeiddio ac ystafell radio.

Byddwch hefyd yn gweithio yn ein stiwdios Mac gan ddefnyddio meddalwedd o safon diwydiant.

Ar gyfer pwy mae'r cwrs hwn?
Os oes gennych ddiddordeb yn y cyfryngau, fel ffotograffiaeth, ffilm, animeiddio, graffeg a dylunio gêmau, ond gydag ychydig iawn o brofiad yn y maes pwnc, efallai mai dyma'r dechrau cywir i chi. Mae'r cwrs hwn wedi'i gynllunio'n arbennig ar gyfer myfyrwyr sydd am ddatblygu sgiliau cyfryngau creadigol. Nid oes angen profiad blaenorol o'r cyfryngau arnoch ond mae diddordeb yn y cyfryngau yn hanfodol. Byddwch yn ennill cymwysterau a gydnabyddir yn genedlaethol wrth wneud rhywbeth yr ydych yn ei fwynhau'n fawr ac yn magu eich hyder wrth weithio ym maes eang y Cyfryngau Creadigol.

Beth fydda i'n ei astudio?
Bydd y cwrs hwn yn eich galluogi i ddatblygu eich gwybodaeth a'ch dealltwriaeth o ddiwydiant y cyfryngau ac yn eich galluogi i ganolbwyntio ar faes arbenigol yn dilyn cyflwyniad cychwynnol i ystod eang o ddisgyblaethau. Ar hyn o bryd, y pynciau astudio yw gwneud ffilmiau, golygu fideo, ysgrifennu sgriptiau, creu cynnwys, animeiddio, ffotograffiaeth, dylunio gêmau, darlunio digidol, dylunio graffeg, datblygu apiau, cyfryngau print digidol a chynhyrchu sain

Bydd myfyrwyr sy'n cwblhau'r cwrs hwn yn llwyddiannus yn ennill y canlynol UAL Lefel 2 Diploma mewn Cynhyrchu a Thechnoleg yn y Cyfryngau Creadigol