Niwrodechnoleg lefel 3 (cwrs arbenigol)

Cwrs cynhwysol a gefnogir yn llawn yw Niwrodechnoleg Lefel 3, a’i nod yw darparu amgylchedd dysgu a fydd yn gweddu orau i CHI. Mae'r cwrs wedi'i gynllunio i ddiwallu anghenion a galluoedd dysgwyr Awtistig ac mae'n ffordd wych o ddysgu mwy am dechnoleg ddigidol a'r hyn y gall ei gynnig.

Mae astudio cwrs Niwrodechnoleg yng Ngholeg Cambria yn eich galluogi i weithio gyda chynhyrchion arloesol a thechnoleg sy'n newid yn y sector sy'n tyfu gyflymaf yn y byd. Mae'n eich rhoi yn y lle gorau posibl i fanteisio i'r eithaf ar yr amgylchedd digidol hwn ac elwa’n llawn ar eich potensial.

Bydd Niwrodechnoleg yn eich darparu gyda’r cymysgedd cywir o sgiliau i chi ddatblygu eich uchelgeisiau, gan sicrhau eich bod yn cael y profiad a'r wybodaeth cyffredinol gorau i lwyddo. Ar y cwrs byddwch yn gweithio gyda staff arbenigol i wireddu eich gwir botensial, wrth i chi ddatblygu eich sgiliau digidol a chyflogadwyedd. Gyda chefnogaeth lawn, byddwch hefyd yn datblygu sgiliau cyfathrebu cymdeithasol, sgiliau trefnu, sgiliau bywyd a sgiliau byw.

Cwrs sy’n cael ei gefnogi’n llawn ym mhob maes gan staff cymorth profiadol. Bydd gennych yr hyder a’r gallu i archwilio'r diwydiannau TG, gyda’r dewis i symud ymlaen o fewn y coleg er mwyn i chi lwyddo mewn bywyd ac ym myd gwaith.

Os ydych yn ymddiddori yn y technolegau digidol, gallai’r cwrs hwn eich helpu i fynd ar y trywydd iawn!

Ar y cwrs, bydd Tystysgrif Genedlaethol Lefel 3 BTEC Pearson mewn Technoleg Gwybodaeth yn eich darparu gyda’r sgiliau sydd eu hangen arnoch i lwyddo ar draws ystod o wahanol unedau ac arbenigeddau.

Byddwch hefyd yn derbyn cymorth a hyfforddiant mewn Saesneg a Mathemateg ar y cwrs, gan eich galluogi i ennill cymhwyster a sgiliau swyddogaethol perthnasol.