Diploma Lefel 3 mewn Trin Gwallt

Mae'r Diploma Lefel 3 mewn Trin Gwallt ar gyfer dysgwyr sy'n ceisio gyrfa fel Steilydd.

Mae’r cymhwyster yn seiliedig ar Safonau Galwedigaethol Cenedlaethol Trin Gwallt (NOS), ac mae’n cael ei gydnabod gan brif gymdeithas broffesiynol trin gwallt Prydain (The Hairdressing Council) yn gymhwyster addas y diben o baratoi dysgwyr at yrfa fel uwch driniwr gwallt / uwch steilydd.

Mae’r cwrs hwn yn gyfuniad o theori a sgiliau ymarferol uwch. Bydd yn meithrin ystod o sgiliau technegol, gan ganolbwyntio ar liwio, torri a thechnegau steilio yn ychwanegu at greadigrwydd a phroffesiynoldeb y myfyrwyr. Trwy gydol y cwrs, bydd myfyrwyr yn llunio portffolio o’u gwaith a fydd yn cael ei ddefnyddio fel rhan o’r dystiolaeth asesu. Mae’r rhaglen yn darparu’r sgiliau a’r rhinweddau personol sydd eu heisiau gan gyflogwyr a sefydliadau addysg uwch.

Mae’r Diploma Lefel 3 mewn Trin Gwallt yn cynnwys yr unedau canlynol;
● Torri’r gwallt gan ddefnyddio cyfuniad o dechnegau
● Lliwio’r gwallt yn greadigol a’I oleuo
● Gwasanaethau ymgynghori trin gwallt
● Gosod a thrin gwallt yn greadigol
● Gwasanaethau cywiro lliw gwallt

Bydd dysgwyr yn cwblhau sesiynau profiad gwaith rheolaidd yn y salon masnachol yn Iâl, Salon Iâl wrth astudio eu cymwysterau. Mae datblygu sgiliau cyflogadwyedd yn agwedd sylfaenol ar y cwrs hwn

Mae’r cymhwyster Lefel 3 hefyd yn cynnwys unedau penodol ar ‘Busnes yn y Diwydiant Gwallt’. Bydd hyn yn ymdrechu i gefnogi ein dysgwyr i gael gwell dealltwriaeth o sefydlu a gwneud y mwyaf o lwyddiant eu Busnesau a'r rhai y byddant yn gweithio ynddynt.

Yn ogystal â chymhwyster trin gwallt Lefel 3, mae rhaglen y maes dysgu yn cynnwys yr elfennau gorfodol canlynol i’r cwrs:

● Hyfforddiant ac asesiadau Sgiliau Hanfodol Cymru
● Datblygu sgiliau Cymraeg
● Rhaid I bob dysgwr gwblhau lleoliad gwaith

Sylwch y gall eich amserlen gynnwys rhai sesiynau gyda'r nos. Bydd eich tiwtor yn rhoi dyddiadau I chi yn ystod y cyfnod ymsefydlu.

Sylwch fod angen cit a gwisg I allu astudio’r cwrs hwn.