Diploma NVQ Lefel 3 VTCT mewn Torri Gwallt Dynion

Os ydych chi eisiau datblygu eich gwybodaeth a’ch sgiliau mewn Torri Gwallt Dynion yna dyma’r cwrs i chi.

Mae’r Dystysgrif Lefel 3 VTCT mewn Torri Gwallt Dynion (QCF) yn gymhwyster lefel technegol sy’n darparu’r wybodaeth, dealltwriaeth a’r sgiliau y bydd eu hangen arnoch i weithio fel barbwr cyflogedig ac yn/neu’n hunan cyflogedig.

Pam mai’r cymhwyster hwn yw’r un mwyaf addas?
Mae’r cymhwyster hwn yn cynnwys sgiliau penodol sydd eu hangen i weithio fel barbwr mewn siop barbwr. Mae’r cymhwyster yn rhoi cyfle i chi adeiladu ar y sgiliau a dealltwriaeth sydd gennych yn barod am drin gwallt ac yn datblygu'r uwch sgiliau technegol sydd eu hangen ar gyfer gwaith.

Beth mae’r cymhwyster hwn yn ei gynnwys?
Mae pedair uned orfodol i chi eu hastudio yn y cymhwyster hwn gan gynnwys:
Darparu gwasanaethau ymgynghori â chleientiaid
Torri gwallt yn greadigol gan ddefnyddio cymysgedd o dechnegau torri gwallt dynion
Dylunio a chreu ystod o siapiau gwallt yr wyneb
Darparu gwasanaethau eillio

Yna byddwch yn gallu dewis o leiaf dwy uned ddewisol o ystod o 10 uned. Mae’r ystod lawn o unedau ar gael yn y llyfr cofnodi asesiadau.

Mae’r cymhwyster Lefel 3 hwn yn cynnwys unedau penodol ar ‘Fusnes yn y Diwydiant Gwallt a Thorri gwallt dynion’. Bydd hyn yn ymdrechu i gefnogi ein dysgwyr i gael gwell dealltwriaeth o sefydlu a gwneud y mwyaf o lwyddiant eu Busnesau a'r rhai y byddant yn gweithio ynddynt.

Er mwyn sicrhau bod gan ein myfyrwyr Lefel 3 mewn Torri Gwallt Dynion ystod eang o sgiliau ar gyfer y diwydiant, rydym wedi cynnwys unedau dewisol yn y rhaglen gan gynnwys gofal croen wyneb.

Yn ogystal â’r cymhwyster Lefel 3 mewn Torri Gwallt Dynion, mae rhaglen y maes dysgu yn cynnwys yr elfennau gorfodol canlynol i’r cwrs:

● Hyfforddiant ac asesiadau Sgiliau Hanfodol Cymru
● Datblygu sgiliau’r Gymraeg
● Mae’n rhaid i bob myfyriwr gwblhau cyfnod mewn lleoliad gwaith

Sylwch y gallai eich amserlen gynnwys rhai sesiynau gyda’r nos. Bydd eich tiwtor yn rhoi’r dyddiadau i chi yn ystod y cyfnod ymsefydlu.

Sylwch fod angen cit a gwisg er mwyn gallu astudio’r cwrs hwn.