Diploma Level 1 UAL mewn Cerddoriaeth; Celfyddydau Perfformio a Chynhyrchu

Dyluniwyd y Diploma Lefel 1 mewn Cerddoriaeth a’r Celfyddydau Perfformio a Chynhyrchu i ddarparu’r wybodaeth, sgiliau a dealltwriaeth sy’n angenrheidiol i chi gael mynediad i a symud ymlaen i astudiaethau a hyfforddiant pellach mewn amrediad o ddisgyblaethau cerddoriaeth, perfformio a chynyrchiadau.

Dyluniwyd y cymhwyster i’ch cyflwyno i’r sgiliau, gwybodaeth a dealltwriaeth a fydd yn cyfoethogi hunan hyder ac yn datgelu’r galwadau a chyfleoedd gyrfa potensial yn y diwydiannau creadigol.

Mae’r cymhwyster hwn yn addas i’r rhai â diddordeb mewn cerddoriaeth, celfyddydau perfformio a chelfyddydau cynhyrchu i ymchwilio rhai o’r deunyddiau, dulliau a phrosesau sy’n cefnogi llawer o weithgareddau cerddoriaeth, celfyddydau perfformio a chelfyddydau cynhyrchu, a dechrau datblygu sgiliau cysylltiedig. Bydd y cwrs hwn yn caniatáu i chi ddatblygu eich creadigrwydd wrth ddatblygu’r sgiliau angenrheidiol ar gyfer cyflwyniad llwyddiannus i holl feysydd y Diwydiannau Creadigol, ac yn eich paratoi i symud ymlaen i Lefel 2.

Mae’r rhaglen astudio yn cynnwys amrywiaeth o unedau a byddwch yn datblygu sgiliau trwy amrediad o weithgareddau. Byddwch yn cael cyflwyniad i amrediad o weithgareddau sy’n hanfodol i ddatblygu a darparu perfformiad megis actio, sgiliau lleisiol a symud yn ogystal â chael profiad o weithredoedd technegol gefn llwyfan. Bydd cyfleoedd i weithio gyda gweithwyr proffesiynol yn y maes a byddwch yn cymryd rhan mewn gweithgareddau diwylliannol a chyd-destunol a gefnogir gan ymweliadau addysgol.

Bydd datblygu llythrennedd a rhifedd yn bwyslais craidd i’r holl ddysgwyr sy’n dilyn y rhaglen hon, gyda phob dysgwr yn cael y cyfle i ymgeisio am gymwysterau Sgiliau Hanfodol Cymru mewn Cyfathrebu a Chymhwyso Rhif neu ailsefyll TGAU Mathemateg a Saesneg.

Bydd dysgwyr yn cael Anogwr Bugeiliol a fydd yn rhoi cymorth a chefnogaeth iddynt trwy gydol eu cyfnod yn dilyn y rhaglen. Byddant yn sicrhau fod unrhyw gymorth Anghenion Dysgu Ychwanegol yn cael ei roi yn ei le cyn i ddysgwyr ddechrau’r cwrs, a bod unrhyw anghenion cymorth newydd a gyfyd yn cael eu hymgorffori yn eu rhaglen i’w helpu i lwyddo. Cefnogir y cwrs yn llawn i ateb anghenion unigol a gwahaniaethau dysgu.

Bydd myfyrwyr sy'n cwblhau'r cwrs hwn yn llwyddiannus yn ennill y canlynol UAL Diploma Level 1 mewn Cerddoriaeth; Celfyddydau Perfformio a Chynhyrchu.