Diploma Lefel 1 mewn Chwaraeon a Gwasanaethau Cyhoeddus

Mae'r cwrs hwn wedi’i lunio fel cyflwyniad i'r sectorau Chwaraeon a Gwasanaethau Cyhoeddus. Bydd myfyrwyr yn datblygu sgiliau sylfaenol yn yr unedau gorfodol, a fydd yn eu helpu o ddydd i ddydd. Bydd myfyrwyr yn cymryd rhan mewn chwaraeon egnïol, rolau hyfforddi a ffitrwydd ymarferol gan gynnwys gweithgareddau awyr agored, mewn unedau sy’n benodol i faes.

Mae'r modiwlau yn cynnwys Chwarae Chwaraeon, Cadw'n Heini ac yn Iach, Cymryd Rhan mewn Profion Ffitrwydd, Cynllunio a Chyfeiriannu Llwybr, a Gweithio gydag Eraill. Bydd arbenigwyr y diwydiant yn rhannu eu gwybodaeth a'u profiad o weithio yn y gwasanaeth cyhoeddus.

Bydd datblygu llythrennedd a rhifedd yn ffocws craidd i bob dysgwr ar y rhaglen, gyda phob dysgwr yn cael cyfle i ymgymryd â chymwysterau Sgiliau Hanfodol Cymru mewn Cyfathrebu a Chymhwyso Rhif neu ailsefyll TGAU mewn mathemateg a Saesneg.

Bydd dysgwyr yn cael Anogwr Bugeiliol a fydd yn eu cefnogi drwy gydol eu hamser ar y rhaglen. Byddant yn sicrhau bod unrhyw gymorth ADY yn cael ei roi ar waith cyn i ddysgwyr ddechrau a bod unrhyw anghenion cymorth newydd a allai godi yn cael eu hymgorffori yn eu rhaglen er mwyn eu cynorthwyo i lwyddo. Mae'r cwrs yn cael ei gefnogi'n llawn i ddiwallu anghenion unigol a gwahaniaethau dysgu.

Caiff y rhaglen ei chyflwyno dros dri diwrnod a bydd yn gymysgedd o ddarpariaeth ystafell ddosbarth ac ymarferol dan do ac yn yr awyr agored.