Diploma NVQ Lefel 3 VTCT mewn Therapi Harddwch (Llwybrau Harddwch a Sba)

Mae Diploma Lefel 3 mewn Therapi Harddwch yn Iâl yn cynnig y cyfle i chi arbenigo yn eich llwybr gyrfa dewisol o Harddwch Cyffredinol neu Sba.

Mae enghraifft o rai o’r unedau sy’n gyffredin i’r ddau lwybr yn cynnwys:

• Anatomeg a ffisioleg
• Tylino'r corff
• Tylino'r pen Indiaidd
• Tylino carreg poeth
• Ymwybyddiaeth o Ganser y Croen ar gyfer Gweithwyr Proffesiynol nad ydynt yn ymwneud â gofal iechyd

Os dewiswch y Llwybr Harddwch Cyffredinol, byddwch yn astudio'r unedau canlynol:
Triniaethau Trydanol I'r Wyneb - Gan gynnwys Microdermabrasion

Fel arall, os dewiswch y Llwybr Sba, byddwch yn astudio'r unedau canlynol:
Triniaethau sawna, stêm a hydrotherapi
Lapio'r corff ac arnofio

(Sylwer bod yr unedau hyn yn agored I newid)

Bydd dysgwyr yn cwblhau sesiynau profiad gwaith yn rheolaidd yn ein salon harddwch a sba o’r radd flaenaf wrth astudio eu cymwysterau. Mae meithrin sgiliau cyflogadwyedd yn elfen hanfodol i’r cwrs hwn.

Mae disgwyliad cryf y dylai myfyrwyr astudio’n annibynnol rhwng y sesiynau sydd wedi’u hamserlennu.

Yn ogystal â’r cymhwyster Lefel 3 mewn Therapi Harddwch, mae rhaglen y maes dysgu yn cynnwys yr elfennau gorfodol canlynol i’r cwrs:

● Hyfforddiant ac asesiadau Sgiliau Hanfodol Cymru
● Datblygu sgiliau’r Gymraeg
● Rhaid I bob dysgwr gwblhau Lleoliad Gwaith

Sylwch y bydd eich amserlen yn cynnwys rhai sesiynau gyda’r nos. Bydd eich tiwtor yn rhoi’r dyddiadau I chi yn ystod y cyfnod ymsefydlu.

Sylwch fod angen cit a gwisg er mwyn gallu astudio’r cwrs hwn.