Lefel 2 mewn Trin Gwallt a Chelfyddyd Colur

Nod y cwrs hwn yw datblygu sgiliau ar gyfer gweithio yn y diwydiant colur y cyfryngau. Bydd dysgwyr sydd â diddordeb mewn Lefel 2 mewn Trin Gwallt a Cholur i’r Cyfryngau yn astudio agweddau theori o’r pwnc a’u cymhwyso yn y tasgau ymarferol. Datblygir sgiliau rhyngbersonol y myfyrwyr hefyd, a fydd yn eu helpu i gyfathrebu’n effeithiol â chleientiaid. Trwy gydol y cwrs, bydd myfyrwyr yn llunio portffolio o’u gwaith a fydd yn cael ei ddefnyddio fel rhan o’r dystiolaeth asesu. Mae’r rhaglen yn darparu’r sgiliau a’r rhinweddau personol sydd eu heisiau gan gyflogwyr a sefydliadau addysg uwch.

Mae rhai enghreifftiau o’r unedau byddwch yn eu hastudio yn cynnwys:

● Colur ar gyfer ffotograffiaeth
● Paentio’r corff a’r wyneb
● Triniaethau’r amrannau a’r aeliau
● Trin a steilio gwallt

Yn ogystal, mae rhaglen y maes dysgu yn cynnwys yr elfennau gorfodol canlynol i’r cwrs:

● Hyfforddiant ac asesiadau Sgiliau Hanfodol Cymru
● Datblygu sgiliau’r Gymraeg
● Rhaid I bob dysgwr gwblhau Lleoliad Gwaith

Sylwch efallai y bydd eich amserlen yn cynnwys rhai sesiynau gyda’r nos. Bydd eich tiwtor yn rhoi’r dyddiadau I chi yn ystod eich cyfnod ymsefydlu.

Sylwch fod gofyn am git a gwisg er mwyn gallu astudio’r cwrs hwn.