Lefel 1 mewn Niwrogyfryngau

Mae Niwro Gyfryngau Lefel 1 yn gwrs cynhwysol ac wedi’i gefnogi’n llawn sydd â'r nod o ddarparu amgylchedd dysgu a fydd yn gweddu orau i CHI. Bwriad y cwrs hwn yw diwallu anghenion a galluoedd dysgwyr Awtistig ac mae'n ffordd wych o ddysgu mwy am y digidol a'r hyn y gall ei gynnig.

Mae astudio cwrs Niwro Gyfryngau yng Ngholeg Cambria yn eich galluogi i weithio gyda chynhyrchion arloesol a thechnoleg newidiol yn y sector sy'n tyfu gyflymaf yn y byd. Mae'n eich rhoi yn y lle gorau posib i wneud y gorau o'r amgylchedd digidol hwn a manteisio'n llawn ar eich potensial.

Bydd Niwro Gyfryngau yn eich darparu gyda'r cymysgedd cywir o sgiliau er mwyn cynyddu eich uchelgeisiau, gan sicrhau eich bod yn cael y profiad a'r wybodaeth cyffredinol gorau i lwyddo. Ar y cwrs byddwch yn gweithio gyda staff arbenigol i wireddu eich gwir botensial, wrth i chi ddatblygu eich sgiliau digidol a chyflogadwyedd. Gyda chefnogaeth lawn, byddwch hefyd yn datblygu sgiliau cyfathrebu cymdeithasol, trefnu, bywyd a byw.

Wedi'ch cefnogi'n llawn ym mhob maes o’r cwrs gan staff cymorth profiadol, arbenigol, bydd gennych yr hyder a'r gallu i archwilio diwydiannau'r Cyfryngau, gyda'r opsiwn i symud ymlaen o fewn y coleg i lwyddo mewn bywyd a gwaith.

Oes gennych chi ddiddordeb mewn technolegau digidol? Gall y cwrs hwn eich helpu i fynd ar y trywydd iawn!

Ar y cwrs hwn bydd cymhwyster Lefel 1 BTEC Pearson mewn Technoleg Gwybodaeth yn eich darparu gyda'r sgiliau sydd eu hangen arnoch i lwyddo mewn ystod o wahanol unedau ac arbenigeddau. Gall hyn gynnwys rhai o'r canlynol -
● Bod yn Drefnus
● Datblygu Cynllun Dilyniant Personol
● Gweithio gydag Eraill
● Ymchwilio i Bwnc
● Defnyddio Technolegau Cyfathrebu Digidol
● Creu Gwefan
● Creu Cynnyrch Digidol
● Datblygu Graffigyn Digidol wedi’i Animeiddio

Byddwch hefyd yn derbyn cymorth a hyfforddiant mewn Saesneg a Mathemateg ar y cwrs, gan eich galluogi i gyflawni cymhwyster perthnasol a sgiliau swyddogaethol.