Lefel 2 Cymhorthwyr Nyrsio Anifeiliaid

Mae'r cwrs hwn yn rhoi trosolwg I chi o'r diwydiant gofal milfeddygol a bydd yn datblygu eich cymhwysedd ymarferol, gwybodaeth, profiad, gwasanaethau I gwsmeriaid a sgiliau manwerthu sy'n angenrheidiol I gael eich cyflogi yn y diwydiant. Byddwch yn helpu I ofalu am yr ystod eang o rywogaethau anifeiliaid yn y coleg.

Mae'r pynciau y byddwch chi'n eu hastudio yn cynnwys trin a gofalu am anifeiliaid yn yr amgylchedd milfeddygol, cynorthwyo gyda gofal yn yr amgylchedd milfeddygol a dyletswyddau gweinyddol yn yr amgylchedd gofal milfeddygol.

Bydd y Ganolfan Gofal Anifeiliaid ragorol yn rhoi cyfle I chi feithrin sgiliau ymarferol gwerthfawr gyda dros gant o rywogaethau anifeiliaid, gan gynnwys cwningod, moch, nadroedd, madfallod a chnofilod. Byddwch hefyd yn dysgu ystod eang o wybodaeth sylfaenol. Bydd y cyfuniad hwn yn rhoi mantais I chi gyda’ch llwybr gyrfa dewisol. Bydd y dysgu mor hwyliog â phosibl, a byddwch yn dysgu trwy nifer o wahanol ddulliau, gan gynnwys darlithoedd, gwaith unigol ac mewn grwpiau. Bydd hyd at ddiwrnod yr wythnos yn waith ymarferol, yn ogystal â defnyddio ystod o dechnolegau dysgu modern.

Mae Saesneg a Mathemateg yn rhan annatod o’r rhaglen, a byddwn yn cyd-weithio â chi I wella eich sgiliau llythrennedd a rhifedd, yn ogystal â rhoi cyfle I chi ailsefyll arholiadau Saesneg a Mathemateg TGAU.