Diploma Estynedig Technegol Uwch lefel 3 mewn Rheolaeth Anifeiliaid

Bydd y cwrs hwn yn rhoi dealltwriaeth fanwl o’r diwydiant anifeiliaid a gofal anifeiliaid i chi, gan ddatblygu eich sgiliau, eich gwybodaeth a'ch profiad ar lefel uwch er mwyn cael gwaith yn y sector. Byddwch yn helpu i ofalu am yr ystod eang o rywogaethau anifeiliaid yn y coleg.

Mae’r pynciau y byddwch chi’n eu hastudio’n cynnwys iechyd, ymddygiad a chyfathrebu anifeiliaid, maeth, bioleg anifeiliaid, geneteg, lles a bridio, bywyd gwyllt, ecoleg, gofalu am anifeiliaid egsotig, anifeiliaid dyfrol, adar, casgliadau sŵolegol, rheoli busnes, gofal i gwsmeriaid a marsiandïaeth manwerthu, hyfforddi anifeiliaid, adfer anifeiliaid, sgiliau ystadau a rhagor. Yn yr ail flwyddyn, bydd y llwybr hwn yn canolbwyntio’n glir ar reoli anifeiliaid egsotig mewn casgliadau swolegol.

Bydd y Ganolfan Gofal Anifeiliaid ardderchog yn rhoi’r cyfle i chi feithrin sgiliau ymarferol gwerthfawr, gyda dros gant o rywogaethau anifeiliaid gan gynnwys marmosetiaid, tsintilas, ffuredau, amrywiaeth o rywogaethau madfall, nadroedd a chrwbanod, pysgod acwariwm, paracitiaid ac adar eraill, amffibiaid, infertebratau a bridiau fferm Cymreig prin. Fel dysgwr lefel 3, byddwch yn gweithio gyda’r ystod lawn o rywogaethau anifeiliaid, yn ymarfer agweddau o iechyd anifeiliaid, bwydo, trin a lletya. Byddwch hefyd yn dysgu ystod eang o wybodaeth sylfaenol. Bydd y cyfuniad hwn yn rhoi mantais i chi gyda’ch llwybr gyrfa dewisol. Bydd y dysgu mor hwyliog â phosibl, a byddwch yn dysgu trwy nifer o wahanol ddulliau, gan gynnwys darlithoedd, gwaith unigol ac mewn grwpiau, hanner diwrnod yr wythnos o waith ymarferol yn ogystal â defnyddio ystod o dechnolegau dysgu modern.

Mae Saesneg a Mathemateg yn rhan hanfodol o’r rhaglen, a byddwn yn cydweithio â chi I wella eich sgiliau llythrennedd a rhifedd, yn ogystal â rhoi cyfle I chi ailsefyll arholiadau Saesneg a Mathemateg, lle bo hynny’n berthnasol.

Byddwch yn astudio cymhwyster Bagloriaeth Cymru Ôl 16 hefyd, fel rhan o'r cwrs hwn.

Mae’r cwrs hwn yn gyfwerth â 3 neu 4 pwnc safon uwch yn dibynnu ar y llwybr y byddwch yn ei ddilyn.