Tystysgrif Dechnegol lefel 2 mewn Gofal Anifeiliaid

Bydd y cwrs hwn yn rhoi dealltwriaeth amrywiol o’r diwydiant anifeiliaid a gofal anifeiliaid i chi, gan ddatblygu eich sgiliau, eich gwybodaeth a'ch profiad er mwyn cael gwaith yn y sector. Byddwch yn helpu i ofalu am yr ystod eang o rywogaethau anifeiliaid yn y coleg.

Bydd y pynciau y byddwch yn eu hastudio yn cynnwys: iechyd a lles anifeiliaid, bridiau a gwastrodi, bywyd gwyllt Prydain, bioleg anifeiliaid, ymddygiad anifeiliaid, a bwydo a lletya anifeiliaid.

Bydd y Ganolfan Gofal Anifeiliaid ragorol yn rhoi cyfle i chi feithrin sgiliau ymarferol gwerthfawr gyda dros gant o rywogaethau anifeiliaid, gan gynnwys cwningod, moch, nadroedd, madfallod a chnofilod. Byddwch hefyd yn dysgu ystod eang o wybodaeth sylfaenol. Bydd y cyfuniad hwn yn rhoi mantais i chi gyda’ch llwybr gyrfa dewisol. Bydd y dysgu mor hwyliog â phosibl, a byddwch yn dysgu trwy nifer o wahanol ddulliau, gan gynnwys darlithoedd, gwaith unigol ac mewn grwpiau. Bydd hyd at ddiwrnod yr wythnos yn waith ymarferol, yn ogystal â defnyddio ystod o dechnolegau dysgu modern.

Mae Saesneg a Mathemateg yn rhan annatod o’r rhaglen, a byddwn yn cyd-weithio â chi i wella eich sgiliau llythrennedd a rhifedd, yn ogystal â rhoi cyfle i chi ailsefyll arholiadau Saesneg a Mathemateg TGAU.