Tystysgrif Genedlaethol Uwch lefel 4 mewn Rheolaeth Anifeiliaid

Wrth ddewis cwrs HNC mewn Rheolaeth Anifeiliaid byddwch yn astudio ystod o bynciau, a fydd yn rhoi sylfaen eang o wybodaeth i chi sy'n ymwneud ag agweddau amrywiol ac allweddol y sector. Mae'r rhaglen hon wedi'i llunio i gysylltu â chyfleoedd gyrfa posibl yn y sector a helpu hwyluso eich dilyniant i gyflogaeth neu astudiaeth bellach, er enghraifft y cwrs HND lefel 5 (LP50200).

Bydd cynnwys y cwrs yn cael ei gyflwyno trwy gyfuniad o ddarlithoedd, seminarau, sesiynau ymarferol, tiwtorialau rhyngweithiol, siaradwyr gwadd a gweithdai.

Nodweddion allweddol astudio rheolaeth anifeiliaid yn Cambria:
● Cyfleusterau rhagorol
● Ystod eang o rywogaethau anifeiliaid
● Tiwtor personol a chymorth un i un

BETH FYDDAF YN EI ASTUDIO?
Bydd y graddedigion sy’n cwblhau’r cwrs hwn yn llwyddiannus wedi meithrin set o sgiliau amrywiol sy’n addas i ystod eang o gyfleoedd yn y diwydiant anifeiliaid. Mewn sector hynod gystadleuol, bydd myfyrwyr Cambria yn gallu mynd i fyd gwaith gydag ystod o sgiliau trosglwyddadwy ac ymarferol yn y diwydiant, gan gynnwys rheoli casgliadau anifeiliaid, rhoi cyfarwyddiadau addysgu a gweithredu cynlluniau addasu ymddygiad.

MODIWLAU:
Blwyddyn 1:
• Iechyd a Lles Anifeiliaid
• Busnes a’r Amgylchedd Busnes
• Rheoli Prosiect Llwyddiannus
• Ymddygiad Anifeiliaid yn y Gymdeithas
• Anatomeg a Ffisioleg Anifeiliaid
• Maetheg Anifeiliaid
• Rheoli'r Casgliad o Anifeiliaid
• Addysgu Pwnc Arbenigol

Yn ogystal ag unedau a addysgir, bydd myfyrwyr yn cael amser tiwtorialau ac ymarferol wedi’i neilltuo i gynorthwyo â’u hastudiaethau ymhellach.