Mynediad i Ddiwydiannau Tir

Mae'r cwrs hwn yn ddelfrydol ar gyfer myfyrwyr sydd ag ychydig neu ddim cymwysterau o gwbl. Fe'i cynlluniwyd i ganiatáu i fyfyrwyr gael sgiliau ymarferol rhagorol mewn amrywiaeth o feysydd tir gan gynnwys amaethyddiaeth, garddwriaeth, cadwraeth, sgiliau ystadau a pheirianneg. Bydd myfyrwyr yn datblygu llawer o sgiliau ymarferol megis bwydo, gwirio iechyd a symud anifeiliaid fferm, cynnal a chadw mannau cynefin, cynnal llwybrau troed, cynnal a chadw ardaloedd gwyrdd a chynnal a chadw cerbydau modur sylfaenol.


Mae’r pynciau sy’n cael eu hastudio yn cynnwys;
• Llety a Phorthiant Anifeiliaid Fferm
• Cyflwyniad i Anifeiliaid Fferm
• Planhigion a Bywyd Gwyllt
• Cynnal a Chadw Cerbydau Modur Sylfaenol
• Sgiliau Cadwraeth
• Sgiliau Garddwriaeth
• Sgiliau Ystadau
• Iechyd a Diogelwch
• Datblygu Perfformiad Personol

Mae'r cwrs yn cynnwys gweithgareddau yn yr ystafell ddosbarth, gwaith ymarferol a sesiynau i helpu i ddatblygu eich sgiliau Saesneg a Mathemateg. Bydd eich sesiynau ymarferol yn ffurfio hanner eich gwaith coleg.

Rydym hefyd yn cynnig;
- Ymweliadau addysgol niferus drwy gydol y flwyddyn.
- Mynediad i siaradwyr gwadd ac arbenigwyr yn y diwydiant.
- Defnydd llawn o’r ffarm a’r stad ar y safle.

Ble fyddaf yn astudio?
Mae Llysfasi wedi'i leoli yng nghefn gwlad syfrdanol Gogledd Ddwyrain Cymru ger Rhuthun, sydd o fewn Ardal o Harddwch Naturiol Eithriadol.

Pa anifeiliaid fyddaf i’n eu hastudio yn Llysfasi?
Yn ystod eich astudiaethau, bydd gennych fynediad rheolaidd i'n fferm 970 erw, lle byddwch yn dysgu am reoli ein gwartheg godro a defaid iseldir a mynydd, a chymryd rhan mewn sgiliau stad ar y fferm a'r coetir.