Diploma lefel 1 mewn Cerbydau Modur

Mae’r cwrs hwn wedi’i anelu at y rhai sy’n dymuno bod yn rhan o’r diwydiant gwasanaethu a thrwsio cerbydau modur. Byddwch yn dysgu am wasanaethu a thrwsio sylfaenol. Bydd hyn yn cynnwys egwyddorion Iechyd a Diogelwch; peiriannau a systemau peiriannau (tanwydd, tanio, oeri, pibell fwg ac allyriadau; trosglwyddo a systemau brecio; cynnal a chadw’r llyw, crogiant, olwynion a theiars).

Dyluniwyd y cwrs hwn fel cyflwyniad i’r rhai sy’n ystyried gyrfa yn y diwydiant cerbydau modur.

Bydd datblygu llythrennedd a rhifedd yn bwyslais craidd i’r holl ddysgwyr sy’n dilyn y rhaglen hon, gyda phob dysgwr yn cael y cyfle i ymgeisio am gymwysterau Sgiliau Hanfodol Cymru mewn Cyfathrebu a Chymhwyso Rhif neu ailsefyll TGAU Mathemateg a Saesneg.

Bydd dysgwyr yn cael Anogwr Cynnydd a fydd yn rhoi cymorth a chefnogaeth iddynt trwy gydol eu cyfnod yn dilyn y rhaglen. Byddant yn sicrhau fod unrhyw gymorth Anghenion Dysgu Ychwanegol yn cael ei roi yn ei le cyn i ddysgwyr ddechrau’r cwrs, a bod unrhyw anghenion cymorth newydd a gyfyd yn cael eu hymgorffori yn eu rhaglen i’w helpu i lwyddo. Cefnogir y cwrs yn llawn i ateb anghenion unigol a gwahaniaethau dysgu.