Mynediad i Beirianneg

Mae Mynediad i Beirianneg yn cynnig rhaglen â chymorth llawn i ddysgwyr ar gam cyntaf eu taith addysg bellach yn y coleg.

Bydd y rhaglen yn rhoi’r cyfle i bobl ifanc chwalu unrhyw rwystrau a allai fod ganddynt i ddysgu, gan ganiatáu iddynt dyfu a datblygu’n bersonol, yn gymdeithasol ac yn academaidd er mwyn cyflawni eu llawn botensial yn llwyddiannus a symud ymlaen i’w lefel nesaf o ddysgu neu gyflogaeth yn y dyfodol.

Bydd y cwricwlwm craidd yn helpu dysgwyr i ddatblygu eu hyder, eu sgiliau bywyd a chyflogadwyedd mewn awyrgylch cefnogol a chroesawgar. Byddant yn cwblhau sesiynau ymarferol mewn gweithdai ac yn ymdrin â theori mewn perthynas â:
Gwneuthuro a Weldio, Peirianneg a Cherbydau Modur

Bydd gweithgareddau cyfoethogi yn datblygu sgiliau cyfathrebu, gwaith tîm ac arwain, gan helpu i fagu hyder a goresgyn unrhyw bryderon neu rwystrau cymdeithasol. Yn ystod y gweithgareddau hyn bydd dysgwyr yn gweithio tuag at dystysgrif Cyflawniad Ymddiriedolaeth y Tywysog.

Bydd llythrennedd a rhifedd yn brif ganolbwynt ar gyfer pob dysgwr ar y rhaglen a bydd bob dysgwr yn cael y cyfle i wneud cymwysterau Sgiliau Hanfodol Cymru mewn Cyfathrebu a Chymhwyso Rhif.

Mae’r cwrs hwn yn cynnig llawer o dasgau ymarferol a fydd hefyd yn helpu i ddatblygu eich sgiliau Mathemateg, Saesneg a Llythrennedd Digidol.

Bydd dysgwyr yn cael Anogwr Cynnydd a fydd yn eu cynorthwyo yn ystod y rhaglen. Ynghyd â’r Prif Diwtor Cwrs bydd y tîm yn sicrhau bod unrhyw gymorth ADY yn ei lle cyn i ddysgwyr ddechrau a bod unrhyw anghenion cymorth newydd sy’n codi yn cael eu cynnwys yn eu rhaglen er mwyn eu helpu i lwyddo. Darperir cymorth llawn i fodloni anghenion a gwahaniaethau dysgu unigol.

Cyflwynir y cwrs dros dri diwrnod a bydd yn gymysgedd o gyflwyno yn y dosbarth a chyflwyno ymarferol dan do ac yn yr awyr agored.