Lefel 1 Sgiliau Rhagarweiniol mewn Adeiladu - Paentio, Addurno, ac Plastro

Mae’r cwrs hwn ar gyfer myfyrwyr llawn amser sydd eisiau dod yn Blastrwyr neu’n Baentwyr ac Addurnwyr yn y diwydiant Adeiladu. Bydd myfyrwyr yn mynychu sesiynau theori yn yr ystafell ddosbarth fel rhan o’r rhaglen er mwyn ennill gwybodaeth greiddiol. Bydd myfyrwyr hefyd yn cymryd rhan mewn sesiynau ymarferol yn ein gweithdai.

Bydd y cwricwlwm craidd yn helpu dysgwyr i ddatblygu eu hyder, gwybodaeth a sgiliau mewn Plastro, Gosod Leinin Sych, Paentio ac Addurno.


Mae unedau’n cynnwys -
● Iechyd, diogelwch a lles mewn diwydiannau adeiladu a diwydiannau cysylltiedig
● Gweithio yn y maes adeiladu
● Ymwybyddiaeth amgylcheddol yn y maes adeiladu
● Cyrchu offer yn y maes adeiladu
● Anheddau preswyl yn y maes adeiladu
● Sgiliau Plastro
● Sgiliau Gosod Leinin Sych
● Sgiliau Paentio
● Sgiliau Papuro Wal
● Sgiliau cyfathrebu a rheoli amser
● Cynllunio gyrfa

Bydd angen cwblhau ystod o asesiadau gan gynnwys -
- Asesiadau ymarferol yn y gweithdy
- Arholiadau ysgrifenedig
- Arholiadau amlddewis ar-lein
- Gwaith prosiect
- Trafodaethau
- Gwaith portffolio
- Tystiolaeth ar ffurf ffotograffau
- Trafodaethau wedi’u cofnodi
- Cyflwyniadau

Yn ogystal â hyn bydd disgwyl i ddysgwyr gwblhau naill ai Sgiliau Hanfodol Cymru, TGAU Saesneg a Mathemateg a/neu Lythrennedd Digidol yn dibynnu ar eu graddau Mathemateg a Saesneg ar hyn o bryd.

Bydd Anogwr Cynnydd yn cael ei bennu ar gyfer pob dysgwr. Bydd yr Anogwr Cynnydd yn helpu dysgwyr trwy gydol eu hamser ar y rhaglen ac yn cwblhau rhaglen rhan amser gyda nhw. Bydd yr anogwr yn sicrhau bod unrhyw gymorth Anghenion Dysgu Ychwanegol ar waith cyn i ddysgwyr ddechrau ar eu cwrs. Bydd hefyd yn sicrhau bod unrhyw anghenion newydd am gymorth a fyddai’n gallu ymddangos yn cael eu cynnwys yn eu rhaglen i helpu i’r dysgwyr lwyddo. Cefnogir y cwrs yn llawn er mwyn bodloni anghenion unigol a gwahaniaethau dysgu.

Bydd y rhaglen yn cael ei chyflwyno dros dri diwrnod a bydd yn gymysgedd o ddarpariaeth yn yr ystafell ddosbarth ac mewn gweithdy.