Diploma Lefel 2 C&G mewn Lletygarwch ac Arlwyo

Mae lletygarwch ac arlwyo yn ddiwydiant cyffrous ac amrywiol sy’n ymgorffori caffis, bariau, bwytai, gwyliau bwyd, gwestai, siopau coffi a llawer yn rhagor o feysydd oddi mewn iddo.

Mae’r diploma lefel 2 yn cael ei gynnig fel cwrs llawn amser sy’n cynnwys coginio proffesiynol a gwasanaeth bwyd a diod.

P'un a ydych chi'n hoffi bod yn gwneud gwaith blaen tŷ, cynllunio digwyddiadau neu yn y gegin a gweithio gyda bwyd a diodydd o ansawdd da, bydd y cwrs hwn yn cyflwyno’r sgiliau a'r wybodaeth sydd eu hangen yn y diwydiant ac yn eu datblygu.

Bydd gweithwyr proffesiynol y diwydiant yn arwain ac yn hwyluso’r cwrs astudio i gynnwys sesiynau ymarferol a chynhyrchu yn adrannau pantri, crwst a chegin, gweini blaen tŷ a derbynfa i gynnwys digwyddiadau ar y safle ac oddi arni. Mae sesiynau eraill yn cynnwys theori berthnasol, gweinyddu, tiwtorialau, dysgu yn seiliedig ar adnoddau a datblygu portffolio.

Mae gan yr adran gysylltiadau cadarn gyda chyflogwyr lleol a chenedlaethol sy’n gwella cyfleoedd i ddysgwyr.

Mae elfen profiad gwaith gorfodol i’r cwrs sy’n ategu datblygu’r sgiliau a’r wybodaeth sydd eu hangen ar gyfer y cwrs a’r diwydiant. Yr unigolyn sy’n dod o hyd i’r rhain ac argymhellir yn gryf eich bod yn dechrau ystyried cyfle o fewn busnes a fydd yn darparu profiad dysgu gwerthfawr.

Mae cyfleoedd ar gyfer profiadau allgyrsiol yn ystod nosweithiau a phenwythnosau’n rhoi profiad i ddysgwyr o fod yn rhan o gynllunio, paratoi a chyflwyno digwyddiad neu ddigwyddiad i gwsmeriaid.


Yn ogystal, mae rhaglen y maes dysgu yn cynnwys yr elfennau gorfodol canlynol i’r cwrs:

● Hyfforddiant ac asesiadau Sgiliau Hanfodol Cymru

Mae angen gwisg ar gyfer y cwrs hwn. Mae manylion ar gael o dan ‘Rhestr cit’.