VTCT Lefel 2 NVQ Diploma mewn Therapi Harddwch ac Ewinedd (Dysgu ar Garlam)

Mae’r cwrs hwn yn gymhwyster ‘barod i weithio’ sy’n seiliedig ar y Safonau Galwedigaethol Cenedlaethol.

Bydd y cymhwyster hwn yn rhoi i chi’r wybodaeth, y dealltwriaeth a’r sgiliau gofynnol i weithio’n fedrus fel therapydd harddwch. Trwy gydol y cymhwyster hwn, byddwch yn sicrhau cyfrifoldeb dros leihau risgiau iechyd a diogelwch, hyrwyddo gwasanaethau ychwanegol neu gynnyrch i gleientiaid, datblygu a chynnal eich effeithiolrwydd yn y gwaith, darparu triniaeth gofal croen ar yr wyneb, gwella edrychiad aeliau a blew’r amrannau, cynnal gwasanaethau cwyr a darparu triniaethau i’r traed a’r dwylo ac ewinedd gel.

Mae’r cymhwyster hwn yn cynnwys sesiynau theori ac arholiadau. Enghraifft o’r pynciau fyddwch chi’n eu hastudio ydy; anatomi a ffisioleg, iechyd a diogelwch, a gwerthu cynnyrch a gwasanaethau. Felly mae disgwyl y bydd dysgwyr yn gweithio yn eu hamser eu hunain yn ychwanegol at yr amserlen sydd wedi’u hamserlennu yn y coleg i gwblhau’r gwaith sydd wedi ei osod fel gwaith cartref.

Ar yr un pryd, bydd dysgwyr yn datblygu eu sgiliau cyfathrebu a gwasanaeth cwsmeriaid, eu hymwybyddiaeth o gynaliadwyedd amgylcheddol a'u sgiliau masnachol, y mae cyflogwyr yn rhoi gwerth mawr ar bob un ohonynt. Bydd sgiliau datrys problemau, gweithio mewn tîm ac ymchwilio hefyd yn cael eu datblygu.

Bydd dysgwyr yn cwblhau sesiynau profiad gwaith rheolaidd yn ein salon harddwch a sba o’r radd flaenaf wrth astudio eu cymwysterau. Mae meithrin sgiliau cyflogadwyedd yn elfen hanfodol o’r cwrs hwn.

Yn ogystal â chymhwyster Lefel 2 mewn Harddwch ac Ewinedd, mae rhaglen y maes dysgu yn cynnwys yr elfennau gorfodol canlynol i’r cwrs:

● Hyfforddiant ac asesiadau Sgiliau Hanfodol Cymru
● Datblygu sgiliau Cymraeg
● Rhaid i bob dysgwr gwblhau Lleoliad Gwaith

Sylwch efallai y bydd rhai sesiynau gyda’r nos yn rhan o’ch amserlen. Bydd eich tiwtor yn rhoi’r dyddiadau i chi yn ystod y cyfnod ymsefydlu.

Sylwch y bydd angen cit a gwisg arnoch chi er mwyn gallu astudio’r cwrs hwn.

.