Lefel 2 UAL Diploma mewn Celfyddydau Perfformio a Chynhyrchu

Mae’r Diploma Lefel 2 yn y Celfyddydau Perfformio wedi’i lunio i roi’r sgiliau, gwybodaeth a’r ddealltwriaeth y byddwch eu hangen i symud ymlaen i astudio ac i hyfforddi ymhellach mewn nifer o bynciau perfformio a chelfyddydau cynhyrchu, gan gynnwys actio, canu, dawnsio, theatr gerdd, dylunio goleuo, dylunio propiau, rheoli llwyfan, cyfarwyddo, ac ati.

Cafodd y cwrs hwn ei ddylunio ar gyfer myfyrwyr sydd ȃ diddordeb yn y Celfyddydau Perfformio ac i baratoi dysgwyr ar gyfer astudio ychwanegol ar Lefel 3 a gyrfa yn y diwydiant Celfyddydau Perfformio.

Mae'r cwrs hwn yn cynnwys amrywiaeth o brosiectau unigol a phrosiectau grŵp. Byddwch yn cael cyflwyniad i ystod o weithgareddau sy’n hanfodol i ddatblygu a darparu perfformiadau, megis sgiliau actio, lleisiol a symud yn ogystal ag ennill profiad o waith technegol cefn llwyfan. Yn ystod y flwyddyn cewch gyfleoedd i gymryd rhan mewn perfformiadau cyhoeddus. Mae gwaith tîm yn rhan hanfodol o'r cwrs a byddwch yn creu deunyddiau perfformio fel rhan o'r gwaith grŵp. Cewch gyfle i weithio gyda gweithwyr proffesiynol yn y maes ar hyn o bryd a byddwch yn cymryd rhan mewn gweithgareddau diwylliannol a chyd-destunol a bydd ymweliadau addysgol yn eich cynorthwyo gyda hynny hefyd.

Bydd eich rhaglen ddysgu yn cynnwys nifer o gymwysterau. Mae Coleg Cambria wedi ymrwymo i’ch helpu i symud ymlaen i gyflogaeth neu Addysg Uwch. Felly, mae pob un o’n cyrsiau rhoi cyfle i chi wella eich Saesneg a Mathemateg i lefel 2 ac yn ddelfrydol i TGAU Gradd C/4 os nad ydych eisoes wedi cyflawni hyn yn yr ysgol/coleg. Bydd hyn yn gwella eich rhagolygon yn y farchnad swyddi a bydd hefyd yn eich galluogi I fynd ymlaen I addysg uwch.

Bydd myfyrwyr sy'n cwblhau'r cwrs hwn yn llwyddiannus yn ennill y canlynol UAL Lefel 2 Diploma mewn Celfyddydau Perfformio a Chynhyrchu