Lefel 2 Niwro- Gofal Anifeiliaid

Mae'r cwrs Gofal Anifeiliaid (Niwroamrywiol) Lefel 2 yn rhaglen gynhwysol a llawn cefnogaeth sy'n darparu amgylchedd dysgu a fydd fwyaf addas I CHI. Mae'r cwrs hwn wedi'I gynllunio I fodloni anghenion a galluoedd dysgwyr niwroamrywiol ac mae'n ffordd wych o ddysgu rhagor am ofal anifeiliaid a'r hyn y gall ei gynnig.

Bydd y Ganolfan Gofal Anifeiliaid ardderchog yn rhoi cyfle I chi ennill sgiliau ymarferol gwerthfawr, gyda mynediad I dros gant o rywogaethau o anifeiliaid gan gynnwys cwningod, geifr, nadroedd, madfallod a chnofilod. Byddwch hefyd yn cwmpasu ystod eang o wybodaeth sylfaenol a bydd y cyfuniad hwn yn rhoi cychwyn da I chi ar eich llwybr gyrfa dewisol.

Bydd Gofal Anifeiliaid (Niwroamrywiol) yn rhoi'r cymysgedd cywir o sgiliau I chi ddatblygu eich uchelgeisiau, gan sicrhau eich bod yn cael y profiad a'r wybodaeth gyffredinol orau I lwyddo. Byddwch yn gweithio gyda staff arbenigol I ddatblygu eich sgiliau wrth ofalu am anifeiliaid. Gyda chefnogaeth lawn, byddwch hefyd yn datblygu sgiliau cyfathrebu cymdeithasol, trefnu, a sgiliau bywyd a byw.

Bydd datblygu llythrennedd a rhifedd yn ffocws craidd I bob dysgwr ar y rhaglen a chewch gyfle I ymgymryd â chymwysterau Sgiliau Hanfodol Cymru neu TGAU.

Bydd gennych diwtor personol a fydd yn eich cefnogi drwy gydol eich amser ar y rhaglen. Byddant yn sicrhau bod unrhyw gymorth ADY yn cael ei roi ar waith cyn I chi ddechrau a bod unrhyw anghenion cymorth newydd a allai godi yn cael eu hymgorffori yn eich rhaglen I'ch helpu I lwyddo. Mae'r cwrs yn cael ei gefnogi'n llawn I ddiwallu anghenion unigol a gwahaniaethau dysgu.