Chwilio Prosiect/Asda (Interniaeth â Chymorth)

Mae’r rhaglen hon yn bartneriaeth rhwng Project Search, ASDA a Choleg Cambria sy’n cynorthwyo myfyrwyr wrth iddynt bontio i’r gweithle er mwyn iddynt feithrin sgiliau gwaith gwerthadwy.

Mae’r cwrs hwn yn rhaglen interniaeth blwyddyn o hyd sy’n cynorthwyo dysgwyr er mwyn iddynt ennill cyflogaeth mewn lleoliad manwerthu yn Asda, Queensferry. Bydd pum diwrnod yr wythnos yn cael eu treulio yn y gweithle yn ystod y rhaglen hon. Bydd unigolion yn gweithio yn yr archfarchnad, yn profi agweddau gwahanol o’r adrannau manwerthu ac yn dysgu sgiliau cyflogaeth gwerthfawr a fydd yn arwain at yrfa werth chweil. Bydd myfyrwyr yn cael sesiynau yn y dosbarth yn ystod yr wythnos. Bydd y rhain yn cael eu cynnal ar y safle er mwyn atgyfnerthu sgiliau a gwybodaeth a sicrhau bod ganddynt y sgiliau sydd arnynt eu hangen i lwyddo.

Bydd mentor Cyflogadwyedd ar y safle trwy gydol y rhaglen er mwyn sicrhau bod cymorth ac arweiniad wrth law er mwyn sicrhau y bydd unigolion yn gallu gweithio'n annibynnol o fewn tîm ASDA yn y pen draw.