Diploma lefel 1 mewn Gofal Anifeiliaid

Mae’r cwrs hwn yn darparu cyflwyniad i ofal anifeiliaid ac mae ganddo ffocws ymarferol sy’n cael ei ategu gan sesiynau dosbarth ar theori, gyda phob un ohonynt wedi’u dylunio i ehangu ac annog datblygu sgiliau, gwybodaeth, dealltwriaeth a phrofiad er mwyn gweithio tuag at gael swydd sy’n gysylltiedig ag anifeiliaid. Mae’r cwrs Lefel 1 wedi ei anelu at ddysgwyr gydag ychydig neu ddim profiad mewn gofal anifeiliaid. I’r rheini gyda rhywfaint o brofiad, bydd cyfleoedd i ddatblygu ac ehangu eich gwybodaeth ymarferol a damcaniaethol ymhellach. Byddwch yn ymgymryd â gwaith helpu i ofalu am yr amrywiaeth eang o anifeiliaid yn y coleg.

Mae’r pynciau y byddwch yn eu hastudio’n cynnwys iechyd a lles anifeiliaid, trin anifeiliaid, bywyd gwyllt a chadwraeth, bwydo a dyfrio, a llety i’r anifeiliaid.

Bydd y Canolfannau ardderchog Gofal Anifeiliaid a Bridiau Prin yn rhoi’r cyfle i chi ennill sgiliau ymarferol gwerthfawr, gyda mynediad at dros gant o rywogaethau o anifeiliaid gan gynnwys cwningod, moch cwta, llygod mawr, llygod bach, ieir, hwyaid, ffuredau, cŵn, defaid, geifr, moch a physgod. Byddwch hefyd yn edrych ar amrywiaeth eang o wybodaeth greiddiol a bydd y cyfuniad hwn yn rhoi mantais i chi yn y llwybr gyrfa o’ch dewis. Bydd yr addysgu mor hwyliog â phosibl a byddwch yn dysgu drwy amrywiaeth o ddulliau, gan gynnwys darlithoedd, gwaith unigol a grŵp, gwaith ymarferol, a byddwch yn defnyddio ystod o dechnolegau dysgu modern.

Mae Saesneg a Mathemateg yn rhan annatod o’r rhaglen a byddwn yn gweithio gyda chi i wella eich sgiliau llythrennedd a rhifedd.