Diploma Technegol Uwch Lefel 3 mewn Amaethyddiaeth

Mae’r cymhwyster wedi’i lunio i’ch darparu chi ag ystod o sgiliau modern, ymarferol technegol arbenigol. Bydd yn cael ei gyflwyno drwy wersi a hyfforddiant manwl a fydd yn datblygu eich dealltwriaeth ymhellach yn y diwydiant da byw amaethyddol.

Bydd eich astudiaethau’n canolbwyntio ar amaethyddiaeth, byddwch yn datblygu eich sgiliau a’ch dealltwriaeth o dechnegau rheoli porfeydd modern, dadansoddi bridiau, defnyddio a rheoli peiriannau, cynnal a chadw a rheoli ystadau, cofnodi perfformiad da byw modern, samplo cnydau a phridd.

Defnyddio technoleg arloesol a diweddar, defnyddio’r peiriannau diweddaraf fel mesuryddion plât mesur glaswelltir, microsgop cyfri wyau ysgarthol a fflyd o dractorau a pheiriannau modern.

Gan ddefnyddio technoleg da byw arloesol a diweddar byddwch yn datblygu sgiliau a phrofiad i’ch helpu i feithrin gwybodaeth a dealltwriaeth i ddod yn fwy effeithlon:
● Rheolwr Fferm
● Agronomegydd
● Rheolwr Fferm Cynorthwyol
● Arbenigydd Da Byw
● Gweithredwr peiriannau

Cyflenwir y rhain trwy ein Canolfan Addysgu Amaethyddol bwrpasol, gweithdai safon Diwydiant a chyfleusterau labordy modern. Bydd y cwrs hefyd yn cynnwys ymweliadau â diwydiant, sioeau amaethyddol yn ogystal â gwneud defnydd llawn o’n fferm waith fasnachol amrywiol, sy’n cynnwys 400Ha gyda buches laeth fawr, eidion a defaid, uned âr, ac ystod o goetiroedd.

Byddwch hefyd yn cwblhau cyfnodau mewn lleoliadau gwaith trwy gydol y cwrs mewn busnes Tirol perthnasol. Mae’r lleoliadau gwaith gwerthfawr hyn yn rhan annatod o’r cwrs. Maent yn eich galluogi i feithrin eich sgiliau ymhellach, yn ogystal â sefydlu cysylltiadau yn y diwydiant a gwella eich rhagolygon gwaith yn y dyfodol.

Mae Sgiliau Hanfodol yn rhan annatod o’r rhaglen, a byddwch yn cwblhau cymwysterau ychwanegol i wella eich sgiliau Rhifedd, Llythrennedd a TGCh. Bydd gennych hefyd y cyfle i weithio ar weithgareddau menter a chwblhau’r Bagloriaeth Cymru Uwch sy’n berthnasol i’ch pwnc cwrs.


Yn ogystal, bydd gennych y cyfle i ymgymryd ag asesiadau allanol i ennill tystysgrifau cymhwysedd mewn meddyginiaethau milfeddygol, cludo anifeiliaid, cneifio, trinwyr telescopig, chwistrellu plaladdwyr, a gyrru cerbydau pob tir (ATV).