Diploma Lefel 1 mewn Diwydiannau'r Tir

Ydych chi’n hoffi gweithio yn yr awyr agored ac ydych chi’n chwilio am lwybr gyrfa ymarferol?

Ydych chi’n mwynhau gweithio gyda’ch dwylo a dysgu sgiliau newydd?

Oes gennych chi ddiddordeb mewn Amaethyddiaeth, Cadwraeth, Coedwigaeth neu Beiriannau’r Tir?

Mae’r cwrs Lefel 1 yn ddelfrydol i ddysgwyr sy’n bwriadu dechrau gweithio yn sector y tir, naill ai fel ymadawyr ysgol neu fel oedolion sy’n newydd i’r sector ac eisiau ennill y wybodaeth a’r sgiliau sylfaenol angenrheidiol i symud ymlaen i astudio ymhellach neu gael swydd lefel mynediad yn gweithio yn niwydiannau’r tir.

Os ydi hyn yn apelio atoch chi, yna efallai y byddwch chi’n mwynhau datblygu gyrfa yn unrhyw un o’r diwydiannau ar y tir yma. Peidiwch â phoeni os nad ydych chi’n gwybod ryw lawer amdanyn nhw ar hyn o bryd, bydd y cwrs hwn yn eich helpu i ennill y sgiliau a’r wybodaeth sydd eu hangen arnoch chi.

Mae dau bwnc gorfodol:

• Gweithio’n ddiogel ac effeithiol yn niwydiannau’r tir
• Paratoi i weithio yn niwydiannau’r tir

A phum pwnc ychwanegol:

• Cynorthwyo gyda defnyddio cludiant a’r gwaith cynnal a chadw offer a chyfarpar
• Cyfrannu at adeiladu a chynnal a chadw adeileddau ac arwynebau
• Ymgymryd â gweithrediadau tractor
• Cyflwyniad i fywyd gwyllt a chadwraeth
• Cyflwyniad i Gynhyrchu Da Byw a Bridiau

Byddwch yn dysgu nifer o sgiliau ymarferol yn yr unedau hyn, a byddwch yn gweithio gyda: peiriannau fferm, offer coedwigaeth, byddwch yn adeiladu ac yn atgyweirio cynefinoedd bywyd gwyllt ac yn helpu i weinyddu triniaethau iechyd i anifeiliaid fferm.

Mae teithiau addysgol yn rhan bwysig o’r cwrs, ac maent yn cynnwys sioeau masnach ac ymweliadau diwydiannol.
Mae’r cwrs hynod lwyddiannus hwn yn cynnig cyflwyniad i bob maes o’n cyrsiau’r tir. Byddwch yn datblygu sgiliau ymarferol ar gyfer gweithio yn y diwydiannau hyn. Yn ogystal â hyn bydd y cwrs yn eich helpu i feithrin ystod eang o sgiliau hyblyg fel sgiliau cynllunio a chyfathrebu, gweithgareddau meithrin tîm a sgiliau gwaith eraill. Mae Llythrennedd a Rhifedd yn rhan o’r cwrs hefyd. Mae’r cwrs yn cynnig y cam gyntaf i yrfa lwyddiannus yn niwydiannau’r tir.