Diploma Mynediad i Addysg Uwch Lefel 3 - Gwaith Cymdeithasol, Proffesiynau Addysg, Cwnsela, Dyniaethau a Gwyddorau Cymdeithasol

Cyflawnir y rhaglen drwy asesu parhaus. Mae’r rhan fwyaf o’r cwrs yn waith aseiniadau gyda rhywfaint o brofiad o brofion wedi’u hamseru neu arholiadau. Byddwch yn ennill credydau wrth gwblhau pob uned astudio’n foddhaol. Mae’n rhaid cael 60 credyd i ennill y Diploma Mynediad i AU, sy’n cynnwys nifer o gredydau gorfodol. Graddau’r credydau lefel 3 yw Llwyddo, Teilyngdod neu Ragoriaeth. Ar ôl cwblhau’r rhaglen astudio lawn yn llwyddiannus, byddwch yn derbyn Diploma Mynediad i Addysg Uwch – Agored Cymru, sy’n cael ei gydnabod gan ‘QAA’.

TGAU Gradd C/4 mewn Saesneg neu Fathemateg, ac o leiaf Gradd D/3 yn y pwnc arall.
Neu
Lefel 2 AON neu Gyfathrebu, gydag o leiaf Lefel 1 yn y pwnc arall.

Dylai ymgeiswyr fod yn 19+ oed i astudio’r cwrs hwn.

Fodd bynnag, rydym yn annog oedolion sydd â phrofiad bywyd a gwaith i wneud cais hyd
yn oed os nad oes ganddynt y gofynion mynediad uchod gan fod cais pob dysgwr yn cael
ei asesu’n unigol.

Mae darpar ymgeiswyr yn cael eu hannog i gysylltu â phrifysgolion unigol er mwyn cael
gwybodaeth am ofynion mynediad.

Efallai y cewch eich cynghori i gofrestru ar y cwrs Paratoi ar gyfer Gyrfa ac Astudio neu
SHC cyn dechrau’r cwrs Mynediad. Mae’r rhaglen hon yn rhoi cyfle i sefyll arholiad TGAU
mewn Mathemateg neu Saesneg.

Gallwch symud ymlaen i astudio cyrsiau fel Addysg, Gwaith Cymdeithasol, Saesneg, Seicoleg, Troseddeg, Cymdeithaseg, Daearyddiaeth, Hanes, Newyddiaduraeth ac mae sawl opsiwn arall ar gael

Efallai y bydd angen prynu offer a/neu wisg ar gyfer rhai cyrsiau.